Jyobaa tyestiigëty, ¿myëbëjktëbë Jesus?

Myëbëjktëp. Jesus jyënany: “Ëjtsë dëˈën extëm tuˈugë tuˈu, ëjtskyëjxmë jäˈäy jyäˈttë mä Dios Teety, ëjtskyëjxmë jäˈäy tnijawëdë ja tëyˈäjtën, ëjtskyëjxmë jäˈäy jyikyˈattë. Ni pën kyajäˈty mä Dios Teety pën kyajts ëj xymyëbeky” (Fwank 14:6). Ijttëbëts seguurë ko Jesus kyëdaky yä Naxwiiny parë tkëyajkyë jyukyˈäjtënë wäˈätspë extëmë wintsëˈkën (Matewʉ 20:28). Ko Jesus yˈoˈky ets jyukypyejky, ta mbäät tpäättë jukyˈäjtënë winë xëëbë pënaty pyëjtaktëbë mëbëjkën (Fwank 3:16). Nan nmëbëjktëbëts ko Jesus anaˈamp extëmë Rey mä Diosë yˈAnaˈam Kyutujkën jam tsäjpotm ets ko tim tsojk dyajminäˈänyë jotkujkˈäjtën yä Naxwiiny (Diˈibʉ Jatanʉp 11:15). Jesus jyënany: “Dios Teety [...] niˈigyë mëj këdiinëm ëj” (Fwank 14:28). Ngupëjktëbëtsë tyäˈädë ää ayuk ets kyajts nmëbëktë ko Jesus yëˈë Dios, diˈib tukëˈëyë mëkˈäjtënë myëdäjtypy. Pääty, kyajts nˈawdattë Jesus.