Jesús mä ja Oliivʉs kopk

TYÄˈÄDË yëˈë Jesús diˈib yam mä Oliivʉs kopk. Etsë tadë nimäjtaxkpë yetyëjk diˈib jam mëët yëˈë yˈapostëlëty. Andrés mëdë myëgaˈax Peedrʉ, etsë Santya̱ˈa̱gʉ mëdë myëgaˈax Fwank. Tadë tëjk diˈib jam yajmëjˈijxpajtp yëˈë ja Diosë tyëjk diˈib Jerusalén.

Majtsk xëë nety kujk nyaxy mä ja Jesús jyaˈty Jerusalén burrëkëjxy. Ko ojts nyëjxtë martës xëë mä tyäˈädë Oliivʉs kopk, të netyë Jesús yˈotsy mä ja Diosë tyëjk, ets të nety japë saserdotëty jyamatsäˈänëdë ets yaˈoogäˈänëdë. Per ta tsyëˈkëdë yëˈko ja jäˈäy tsyojktëbë Jesús.

Jesús ta ojts ttijy ja wintsëndëjk diˈib mä relijyonk, ¡tsäˈäny ets yˈuˈunk yˈënäˈkë awäˈän ntsäˈäny! Ta net ojts tˈanëëmë ko Dios tukumëdowanëdëp ko axëëk yˈadëˈëtstë. Ok ta ja Jesús ojts nyejxy mä ja Oliivʉs kopk, ets jamë tyäˈädë yˈapostëlëty tijaty yajtëëjëdë. ¿Mnijäˈäp ti yajtëëjëdë?

Yëˈë nety nyijawëyandëp ti miin këdakp. Nyijäˈäjëdëbë nety ko Jesús dyajjëgaˈagäˈäny tëgekyë axëkˈäjtënë diˈib jaˈäjtp yä Naxwiiny. Per yëˈë nety nyijawëyandëp näˈä dëˈën ttunäˈäny. ¿Näˈä netyë Jesús jatëgok myinäˈäny ets yˈanaˈamäˈäny extëmë Rey?

Jesús nyijäˈäbë nety ko ja yˈëxpëjkpëty diˈib yä Naxwiiny kyaj nety yˈixäˈänëdë ko jyëmbitët jatëgok. Yëˈko yëˈë yajpäädäˈäny tsäjpotm etsë yˈëxpëjkpëty kyaj nety mbäät jam yˈixëdë. Päätyë Jesús tˈanmääyë yˈapostëlëty tijatyë nety tunan jatanëp yä Naxwiiny ko nety yëˈë yˈaneˈemy tsäjpotm. ¿Tijaty diˈib nyigäjx?

Jesús ojts tnigajxy ko jyaˈatäˈänyë mëjatypyë tsip, ko mayë jäˈäy tmëdatäˈändë päˈäm etsë yuu ets ko jyaˈatäˈäny mayë axëkˈäjtënë ets nyaxäˈänyë mëk ujx. Nandëˈën ojts jyënaˈany ko ja oybyë ää ayuk diˈib mä Diosë yˈAnaˈamënë yajkäjxwäˈxäˈäny abëtsemy Naxwinyëdë. ¿Ja tyam nˈijxëm dëˈën tyuny jyatyëty mä ndiempëˈäjtëm? ¡Taa! Ets mbäät nˈijtëm seguurë ko Jesús tam tyam yˈaneˈemy tsäjpotm. Ets ko tim tsojk dyajjëjptëgoyaˈanyë axëkˈäjtënë diˈib jaˈäjtp yä Naxwiiny.