¿Pënatyëty myëtsipˈäjtypyë Dios?

Satanas diˈib nandëˈën yajtijp mëjkuˈu o kaˈoybyë yëˈë niˈigyë myëtsipˈäjtypyë Dios. Yëˈë tuˈugë anklës diˈib kujuundak mä Jyobaa. Satanas tsiptuunˈadëtsp mä Dios ets jeˈeyë tjotmaymyoˈoyë naxwinyëdëjäˈäy. Satanas mëk axëkjäˈäy, andakp ets yajjäˈäyˈoˈkp (Fwank 8:44).

Wiingatypyë anklës kyujuundaktë mä Dios ets tyuˈukmujktë mëdë Satanas. Yëˈë Biiblyë txëëmoˈoy kaˈoybyëty. Yëˈë kaˈoybyëty nan myëtsipˈäjttëbë jäˈäy dëˈën extëmë Satanas. Xondaktëp ko jäˈäy tˈaxëktundë (Matewʉ 9:32, 33; 12:22). Jyobaa yajkutëgoyaambyë Satanas mëdë kyaˈoybyëty winë xëë winë tiempë. Waanë tiempë yˈakwëˈëmxëty mä tˈaxëktunyë naxwinyëdëjäˈäy (Diˈibʉ Jatanʉp 12:12).

Pën mˈitäämp Diosë myëtnaymyaayëbë, kyaj xytyunët diˈibë Satanas mduktunanëp. Satanas mëdë kyaˈoybyëty yˈaxëkˈijxtëbë Jyobaa. Myëtsipˈäjttëbë Dios ets tsyojktëp ets mijts nandëˈën xymyëtsipˈatët. Pääty, tsojkëp xywinˈixët pën mtsojkypy ets mgupëkëdët: Jyobaa o Satanas. Pën mjukyˈatäämp winë xëë winë tiempë, jëjpˈam xywinˈixët ets xytyunëdë Diosë tsyojkën. Satanas nyijäˈäp wiˈix twinˈëënyë jäˈäy ets dyajtuny kanäk pekyë manyë. Dëˈëntsoo twinˈëënyë may jyaˈay (Diˈibʉ Jatanʉp 12:7-9).