Jesus tnaskäjxë tijaty tunan jatanëp

JAMË natyë Jesus yajpääty mä Oliibës kopk mä jantsy oy yajmëjˈijxpetyë Jerusalen käjpn ets ja templë, ko nimäjtaxkë yˈapostëlëty yajtëëjëdë ti naty nyijawëyandëp. Jesus yëˈë naty të tnigajxy ko ja templë kyutëgoyaˈany, ets tëgok nan të naty tˈokmaytyakpë ko tpatnët “ja tiempë mä jyëjptëgoyanë tyäˈädë jukyˈäjtën” (Mateo 13:40, 49, NM). Pääty ja yˈapostëlëty yajtëëdë: “¿Näˈä duˈunë tyäˈädë tyunäˈäny jyatäˈänyëty ets tiijëts ndukˈijxwëˈëmëp ko tamë naty myajpääty ets ko pyatnëp ja tiempë mä jyëjptëgoyanë tyäˈädë jukyˈäjtën?” (Mateo 24:3, NM).

Jesus ta ojts tnigajxy tijaty tunan jatanëp mä kyakutëgoynyëmë Jerusalen käjpn. Per tijaty ojts tnaskäjxë nan adëwäämbë naty naxwinyëdë abëtsemy mä tyäˈädë tiempë. Ets yëˈë yajtukˈijxwëˈëmäämp ko Jesus të tyëkë anaˈambë tsäjpotm, ja Rey diˈibë Jyobaa tëëyëp wyandak. Diˈib tim tsojk yajjëjptëgoyaambyë axëkˈäjtën ets dyajminäˈänyë jotkujkˈäjtën naxwinyëdë abëtsemy. Nan yëˈë naty yajnigëxëˈëgaampy ko jyëjptëgoyanë tyäˈädë axëëkpë jukyˈäjtën, mët niˈamukë jyaˈay, yˈanaˈambëtëjk ets tukëˈëyë relijyonk. Ets ta tsyondäˈäganë ja jembyë jukyˈäjtën.

Jesus ojts jyënaˈany, ko tyëkët anaˈambë tsäjpotm ta naxwinyëdë abëtsemy jyaˈˈatäˈänyë tsip, yuu, päˈäm, ujx ets kyaj pën tnekymyëjˈixäˈänyë ley. Nanduˈun jyënany ko ja yˈëxpëjkpëty tkäjxwäˈxäˈändë ja Diosë yˈAnaˈam Kyutujkën naxwinyëdë abëtsemy. Ets diˈib tim ok aktunan akjatanëp yëˈë ja “mëk ayoˈon” diˈib ninäˈänëm duˈun kyatuny kyajatyëty (Matewʉ 24:21).

¿Ets ti tyuknijawëp ja Dios mëduumbëty ko naty wyingoonë ja “mëk ayoˈon”? Jesus ta tpëjtakyë iigë kepy extëmë ijxpajtën (Matewʉ 24:32). Ko iigë kepyë yˈaay pyëtsëëmnë yëˈë yajtuknijäˈäp ko wingoomp ja potn. Nanduˈun ko naty tyuny jyatyëty tijatyë Jesus ojts tnaskäjxë, yëˈë naty yajtuknijawëyäämp ko wingoomp ja kutëgoˈoyën. Perë Jesus ojts jyënaˈany ko kyaj pën tnijawë ti xëë ti oorë tsyondäˈägäˈäny ja “mëk ayoˈon”, yëˈëyë Tyeety nyijäˈäp. Pääty tˈanmääyë yˈëxpëjkpëty: “Wëˈëmdë miitsëty wijˈyëty es mnayjëjpˈixëdëp, jaˈko kyaj xynyijawëdë näˈä nminäˈänyëts [o tyunäˈäny jyatäˈänyëty]” (Markʉs 13:33).

(Jap yajnimaytyaˈaky mä Matewʉ kapitulo 24 etsë 25, Markʉs kapitulo 13 ets mä Lukʉs kapitulo 21.)