¿Të näˈä mtsëˈëgë ets mnayjawëty naytyuˈuk?

Okˈixë tyäˈädë mixyuˈunk diˈib mä dibujë. ¿Këdii duˈun yaˈixy ko naytyuˈuk nyayjawëty ets ko tsëˈkëp? ¿Të duˈun näˈä mnayjawëty?... Niˈamukë të duˈun näˈä nnayjäˈäwëm. Biiblyë nan myaytyakypyë Jyobaa myëtnaymyaayëbë diˈib nnayjäˈäwëdë naytyuˈuk ets diˈib tsëˈkëdë. Niduˈuk yëˈë Elías. Min nˈokˈijxëm wiˈix yajnimaytyaˈaky.

Elías, tëëyëbë nety të jyukyˈäjnë jam Israel ko Jesus myaxuˈunkˈäjty. Ets yëˈë nety jam anaˈambë Acab diˈib kyaj ttsekyë Jyobaa, ja Dios diˈib tëyˈäjtën. Acab mëdë nyëdoˈoxy, diˈib xëˈäjt Jezabel, yëˈë yˈawdäjttë dios Baal diˈib kyaj tyëyˈäjtënëty. Pääty may ja israelitë nan yëˈë nety yˈawdäjttëp ja Baal. Ja reyna Jezabel jantsy axëkjäˈäy ets yaˈoogaambyë nety niˈamukë pënaty myëmëdoodëbë Jyobaa, ¡axtë ja Elías! ¿Mnijäˈäwëp ti tyuunë Elías?...

¡Elías ta kyeky! Ojts nyijkxy jagam mä lugäärë äänëˈëk tëtsëˈëkpë ets nyayuˈtsë mä tuˈugë äänk. ¿Tidaa ko nyayuˈtsë?... Yëˈko tsyëˈkë. Per kyajxyëp tiko tsyëˈkë. ¿Tiko? Yëˈko nyijäˈäwëbë nety ko Dios mbäät pyudëkëty, pes të nety yˈoktukˈijxëbë myëjää. Tëgok, ojts tkexyë jënˈyaˈank desde tsäjpotm ko Elías myënuˈkxtakë. ¡Elías mbäädë nety yˈity seguurë ko Dios pudëkëyanëp!

Ko netyë Elías yajpääty mä ja äänk, ta Jyobaa ojts myëgajpxyëty ets yajtëëwë: ¿Ti yä mduunkˈäjtypy? Ta Elías yˈatsooy: Ëjts jeˈeyë naytyuˈuk akwëˈëmp diˈib mëmëdoojëp. Ëjts jeˈeyë naytyuˈuk, ets tsëˈkëbëts kojëts nˈoogët. Elías wyinmääy ko niˈamukë pënaty yˈawdäjttëbë Jyobaa të nety yˈoˈktäˈäytyë. Perë Jyobaa, ta yˈanmääyë: Kyaj, kyaj tyëyˈäjtënëty. Taa nijëxtujk milë jäˈäy diˈibëts xyˈakˈawdäjtp. Kyaj mtsëˈëgët, ¡yëˈko taa jatuˈugë tuunk diˈib nduktunaampy! ¿Wiˈixëdaa Elías nyayjäˈäwë ko duˈunë Jyobaa yˈanmääyë?... ¡Seguurë ko jantsy jotkujk nyayjäˈäwë!

¿Ti mdukniˈˈijxëp extëm jyajtyë Elías?... Ko mbäät näˈäty mtsëˈëgë o mnayjawëty naytyuˈuk. Per ¿mnijäˈäwëp ti mbäät xywyinmay ko duˈun mnayjawëdët? Ko kyaj naytyuˈuk myajpääty, pes mmëdäjtypyë mëtnaymyaayëbë diˈib tsyojktëbë Jyobaa ets diˈib nanduˈun mtsojkëp. Ets jamyats xëmë ko Jyobaa yëˈë diˈib mas kumëjää ets xëmë mbudëkëyaˈanyëty. ¿Wiˈix mnayjawëty ko ninäˈä naytyuˈuk mgayajpääty?...