Nˈokpatëjkëm mä Jyobaa kyopk

1. ¡Ixtë wiˈix yˈity jantsy këjxm

ja tyun kyopkë Dios Jyobaa!

¡Ixtë! Të twinäjxtäˈäy ja

tun kopk diˈib tyam jaˈäjtp.

May jam nyëjkxtë nax käjpn,

ets jyënäˈändë winë jot:

“¡Mindë parë nˈawdäjtëm

ja nDeetyˈäjtëmë Dios!”.

Extëm ojts yajwandaˈaky

ja diˈib mutsk jyëmbitäˈäny kumëjääw.

Tyam nyajpatëm milˈam

mët ko yëˈë të xytyuˈumoˈoyëmë Dios.

Ets milˈam tyamë jäˈäy

tmëwingondë Dios Jyobaa,

pes yëˈë diˈib myëdunandëp

winë ääw winë jot.

2. Oy ko nëjkx yajkäjpxwaˈkxy

ja Diosteetyë yˈääw yˈayuk,

pes yëˈë duˈunë Jesus jënan

ko duˈun yajtunäˈäny.

Mä Jyobaa yajkutuky,

yëˈë Jesus jam tyam anaˈamp.

Ets yëˈë yajjëmbitaampy jantsy oy

jantsy tsuj ja lugäär.

Xyjyotkujkmoˈoyëm ko tyam

nˈijxëm ja Diosë kyäjpn wiˈix wyimbety.

Pääty oy ko xëmë nëjkx

nnimaytyakëm ja Diosë yˈayuk.

Ets duˈun nwoˈowëm ja jäˈäy

parë pyattët jantsy nimay:

“Joˈomdë min nˈokpatëjkëm mä Jyobaa

Diosë tyëjk”.