ËY 34
Amumduˈukjot nmëdunäˈäny
(Salmo 26)
1. Jyobaa Diosteety ix wiˈixëts ëjts njukyˈaty,
ets wiˈixëts nduny ja mduunk, wiˈix ndukˈijxpety naytyuˈuk.
Ix wiˈix yajpäätyëts ja njot ngorasoon,
pes tyamëts nyaˈˈawäˈätsy mä mijts amumduˈukjot.
(DIˈIB YAˈËËWËMBIJTP)
Pes tëëtsë net nbëjtaˈagyë njot nwinmäˈäny
ko nmëdunäˈäny Jyobaa mijts jeˈeyë winë xëëw.
2. Kyajts mëët nˈitäˈäny pënaty axëëk adëtsp
ets diˈib winˈëˈën winxäjp mët ko axëëgëts nˈixy.
Jyobaa këdiits xypyëjkë njukyˈäjtën mëët
pënaty axëëk adëtsp diˈib kyaj mdëyˈäjtën ttsoky.
(DIˈIB YAˈËËWËMBIJTP)
Pes tëëtsë net nbëjtaˈagyë njot nwinmäˈäny
ko nmëdunäˈäny Jyobaa mijts jeˈeyë winë xëëw.
3. Nëgooyëts jap nˈitanë mä mjëën mdëjk
ets xëmëts jap nˈitäˈäny parëts ndunäˈänyë mduunk.
Nmëwingonaambyëts ja mˈaltaar Jyobaa
jap nyajmëjpëtsëmäˈäny, ngukäjpxëyaˈany bom bom.
(DIˈIB YAˈËËWËMBIJTP)
Pes tëëtsë net nbëjtaˈagyë njot nwinmäˈäny
ko nmëdunäˈäny Jyobaa mijts jeˈeyë winë xëëw.
(Käjpx nanduˈunë Sal. 25:2).