ËXPËJKËN 14

Nigäjpx diˈibaty jëjpˈam të xytyukwijtstuˈuty

Hebreos 8:1, TNM

¿TI YˈANDIJPY? Ko xypyudëkët ja jäˈäy ets tpanëjkxët wiˈix jam xyyajtuˈuwitsy ja mdiskursë, ets xynyigäjpxët wiˈix nyaymyënëjkxyëty diˈibaty jëjpˈam të xytyukwijtstuˈuty mët diˈib nyimaytyakypy ja mdiskursë ets wiˈix pyudëkëyäˈänëdë.

WIˈIX YAJTUNÄˈÄNY:

Ix wiˈix pyudëkëyäˈänëdë. Winmay wiˈix pyudëkëyäˈänëdë ja mdiskursë: ¿Jeˈeyë ko ti xytyuknijawëyaˈany? ¿Jam ti xytyukjaygyukëyaˈany o xytyuktunäˈäny? Ta net duˈun xyyaˈoyët. Ets yëˈë yajtun diˈibaty jëjpˈam të xytyukwijtstuˈuty parë xyyajnaxët extëm mbäät pyudëkëdë.

Okwinmay: “¿Tijatyëtsëdaa xyyajtëwdëp o wiˈixëdaa tjëjpkugäjpxëdët diˈibëts yam nnimaytyäˈägaampy? ¿Tijatyëdaa jawyiin yajtëwdëp o jyëjpkugäjpxëdëp?”. Ta net duˈun xyyaˈoyët ja mdiskursë ets xyyajnëˈëwits xyyajtuˈuwitsët parë tjaygyukëdët ets tkupëktët.
Nigäjpx ti nyimaytyäˈägaampy ja mdiskursë. Mä jam xyyajtuˈuyoˈoy kyaj xyjyaˈaytyëgoyët ti nyimaytyakypy, winˈix diˈibë ääw ayuk mnikajpxëmbitaampy o diˈib naduˈundëkë nikajp.
Nimaytyäˈäk wäˈäts ets wingëjxy diˈibaty jëjpˈam të xytyukwijtstuˈuty. Ix näk pëky mbäät xynyimaytyaˈaky diˈibaty jëjpˈam të xytyukwijtstuˈuty extëm ja tiempë të myajmoˈoy ets nyaymyënëjkxëdët mët diˈib nyimaytyakypy ja mdiskursë. Tuˈuk majtsk jeˈeyë xywyinˈixët diˈib jëjpˈam ets wäˈäts xynyimaytyäˈägët. Niboˈkxë tuˈuk tuˈuk ets kyaj alokë wiinkpë xymyaytyaktëkët.

Mä xyyajtsondaˈaky ja mdiskursë, mbäät xynyigajpxy näk pëky xynyimaytyäˈägäˈäny diˈib jëjpˈam netë jäˈäy tmëdattët wyinmäˈänyoty, ets ko xyyajkëjxnët, ta jatëgok xynyikäjpxëmbitët.