Tijaty yajtukˈawäˈänëdëp pënaty asambleeˈatandëp

PËNATY XYMYOˈOYËMË LUGÄÄR. Yäˈädë nmëguˈukˈäjtëm xypyudëkëyäˈänëm. Mmëmëdowdë wiˈix mˈanëˈëmxëdë, ixtëm mä xyajwëˈëmëdë mgarrë, mätsow mnaxët ets mä mbäät ja lugäär xynyiwäˈäny.

PËNATY NËBATANDËP. Jëjpˈam yajpëjktäˈägäˈändë lyugäär ets jam yˈuˈunyëyäˈändë pënaty nëbatandëp. Ets oy ko tpäättëdë yˈunyaaybyajn mä kyatsondaˈakynyëm ja diskursë mëdiˈibë naxäämp sääbëdë jopy. Niˈamukë tmënëjkxtëdë tyuayë etsë wyitë tsuj yajxonbë mëdiˈibë myënëbatandëp.

MEENY SENTÄÄBË MËDIˈIBË YAJNAYÄJKP. Kajaa të tyunyë meeny sentääbë parë të yajniˈˈijxëtyaˈay ixtëmë unyaaybyajn, soniidë, bideo ets tijaty nyajtuˈunëm parë mbäät tsuj yajxon nmëdoowˈijtëmë asamblee ets niˈigyë nmëwingoˈonëmë Jyobaa. Meeny sentääbë mëdiˈibë mnayäjktëp, yëˈë tuump parë tijaty yajkujuuytyaˈay ets yajtunyë Diosë tyuunk abëtsëmy nyaxwinyëdë. Pääty, të yajpëjktaˈaky kanäägë käjë mä mbäät nˈagoˈonëmë meeny sentääbë ets myajkuˈëˈëw myajkukäjpxëdëp ko duˈun xytyundë. Mbäät nanduˈun xynyayakyë meeny sentääbë mä internet, donate.jw.org. Pënaty Wyoowˈyoˈoytyëbë Jyobaa tyestiigëty, kyukäjpxëdëp ko mˈoyjyaˈaytyäˈäktë ets xypyudëkëdë Diosë tyuunk.

MÄ TSOOY YAJˈYAKY. Jamyats ko yëˈëyë jap nëjkxtëp pënaty ajotkumonë päˈämbajttëp.

MÄ NYIPETY TIJATY TËGOOPY. Pën jam ti xypyaaty, këyak mä nyipety tijaty tëgoopy. Ets pën të tii xyajtëgoy, nëjkx jap yajnidëwë. Jap nanduˈun yajwownëjkxtë ënäˈkˈuˈunk mëdiˈibë të yeˈeytyëgoytyë. Per mëdiˈibë mas oy, yëˈë ko këˈëm xykyuentëˈattëdë mˈënäˈkˈuˈunk ets kyaj xyˈijxtëgoyët parë kyaj ok myajjotmayˈoogëdët.

UNYAAYBYAJN. Oy ko xyjyamyatstët ko nmëguˈukˈäjtëm tsyojktëp nanduˈunë yˈunyaaybyajn. Yëˈëyë mbäät xynyiwäˈänë lyugäär ja mfamilyë, pënaty mëët karroty të mnëjkxtë mä asamblee o pënaty myaˈëxpëjkypy. Këdii xynyiwäˈänyë unyaaybyajn mëdiˈibë kyaj xyajtunäˈäny.

PËNATY TUNANDËP. Pën mdunäämp mä yäˈädë asamblee, nëjkx mnayˈawanëty mä yäˈädë departamentë.

Yëˈë të tniwinmayë pënaty Wyoowˈyoˈoytyëbë Jyobaa Tyestiigëty