¿Wiˈixë jäˈäy nmëtmaytyakëm?

¿Wiˈix nyaˈëxpëjktsondakëmë jäˈäy mä tim jawyiimbë sääbëdë diˈib eneerë?

“Näägë jäˈäy jyënäˈändë ko wingoombë xëë mä Dios dyajkutëgoyaˈanyë Naxwinyëdë, mët ko të tyuktuky mëdë axëkˈäjtën. Ets mayë jäˈäy diˈib myëdäjttëbë ryelijyonk duˈun tmëbëktë. ¿Wiˈix mijts mˈokwinmay? [Waˈan tˈatsoojëmbity.] Okˈix wiˈix jyënaˈanyë Biiblyë mä Salmo 37:29.” Tukˈixë liibrë ¿Ti tukniˈijxëbë Biiblyë? mä pajina 35 ets tukmëtmaytyäˈäk naa tuˈugënë kunuˈkxën diˈib myaytyakypyë parrafo 17-23. Mmoˈoy ja liibrë ets anëëmë ko jatëgok xynyijëmbitäˈäny parë xytyukmëtmaytyäˈägäˈäny jatuˈugë kunuˈkxën diˈib miimp mä tadë parrafo.

Diˈib Xytyukˈawäˈänëm 1 äämbë eneerë

“Wiˈix mˈokwinmay, ¿tidaa ko tyam nëgoo tijaty tyim ayoˈonbëjtaknë extëm nëë tuu o mëk ujx? [Waˈan tˈatsoojëmbity.] Biiblyë ojts tnaskäjpxë ko duˈun tyunäˈäny jyatäˈänyëtyë ayoˈon jotmay [käjpxë Matewʉ 24:7, 8]. Tyäˈädë rebistë yëˈë yˈatsoojëmbijtypy tëgëëgë yajtëˈëwën: ¿tidaa ko tyam nëgoo tijaty tyim ayoˈonbëjtaknë?; ¿Diosëdaa duˈun xytyëytyuˈunëm?, ets ¿tiko mbäät nmëbëjkëm ko Dios tim tsojk dyajjëjptëgoyaˈany tyäˈädë ayoˈon?”

¡Despertad! Eneerë

“Ko jäˈäy myeetsy o ko yajmeenymyoˈoy parë ttundët tijaty, yëˈë diˈib tyam jotmayˈäjtp mä jyaˈˈatyë negosyë. Axtë ta jäˈäy diˈib winmääytyëp ko pën kyaj myaatstë kyaj ti tmëdatët. ¿Wiˈix mijts mˈokwinmay? [Waˈan tˈatsoojëmbity.] Okˈix wiˈix jyënaˈanyë tyäˈädë tekstë [käjpxë Proverbios 20:17]. Tyäˈädë rebistë yëˈë myaytyakypy wiˈix ndukˈoyˈäjtëm ko tëyˈäjtën mëët tijaty nduˈunëm.”