¿Wiˈixë jäˈäy nmëtmaytyakëm?

¿Wiˈix nyaˈëxpëjktsondakëmë jäˈäy mä tim jawyiimbë sääbëdë diˈib junië?

“Niˈamukë jäˈäy tuˈugyë jyaˈitäˈändë, per oymyääjëty jyaˈˈatyë tsip. Wiˈix mˈokwinmay, ¿tidaa ko tsyiptaˈaky jyaˈˈatëdë tuˈugyëˈäjtën?”. Ko jäˈäy yˈatsoojëmbitët, ta net xytyukˈixëdë rebistë Diˈib Xytyukˈawäˈänëm 1 äämbë junië pajina 32, ets nimaytyäˈäk ja tim jawyiimbë yajtëˈëwën ets käjpx naa tuˈugënë tekstë. Awanë ja rebistë ets anëëmë ko jatëgok mjëmbitäˈäny parë xyˈatsoojëmbitët ja tuˈukpë yajtëˈëwën.

Notë: Tyäˈädë demostrasyonk ja nyaxët 1 äämbë junië mä nmëguˈukˈäjtëm të tyuˈukmuktë parë nyëjkxäˈändë käjpxwäˈkxpë.

Diˈib xytyukˈawäˈänëm 1 äämbë junië

“Tyam yëˈë njatukmëtmaytyäˈägaampy tuˈugë jotmay diˈib jaˈäjtp oymyääjëty. Waˈan të nbatëmë tyäˈädë jotmay ko tëgatsyë jäˈäy xyˈijxëm. Wiˈix mˈokwinmay, ¿jadaa muumë it lugäär mä kyaj jäˈäy winˈix wingexy nyaytsyokëdë? [Waˈan tˈatsoojëmbity.] Oy ko nnijäˈäwëm ko Dios kyaj winˈixy wingexyë jäˈäy ttseky, okˈix wiˈix jyënaˈany yä [käjpxë Apostʉlʉty 10:34]. Tyäˈädë rebistë yëˈë nyimaytyakypy ti tyunaambyë Dios parë kyaj pën nyaytsyokëdët winˈixy wingexy.”

¡Despertad! Junië

“¿Këdii oy njajukyˈatäˈänëm niˈamukë? Per wiˈix mˈokwinmay, ¿mbäädëdaa oy njukyˈäjtëm ko mas niˈigyë tijaty njuˈuyëm? [Waˈan tˈatsoojëmbity.] Tyäˈädë ää ayuk diˈibë Jesus ojts tnigajpxy, yëˈëxyëp diˈib mbäät xyajwinmäˈäyëm [käjpxë Lukʉs 12:15]. Tyäˈädë rebistë yëˈë xytyukˈijxëm wiˈix mbäät nˈijxëmë jukyˈäjt madakën ets xyˈanmäˈäyëm ti mbäät nduˈunëm parë kyaj nëgoo ngastëtuˈunëm.”