Nˈokpëjtakëmë winmäˈäny parë nyaˈëxpëjktsondakëmë jäˈäy mä tim jawyiimbë sääbëdë
Desde mayë 2011 ojts nyaˈˈanmäˈäyëm parë nyaˈëxpëjktsondakëmë jäˈäy mä tim jawyiimbë sääbëdë. Ets diˈib xypyudëjkëm parë duˈun nduˈunëm, yëˈë rebistë Diˈib Xytyukˈawäˈänëm mä jyënaˈany “Yajtëˈëwën diˈib yaˈˈatsoojëmbijtp mä Biiblyë”. Pääty mä nduˈukmujkëm parë nbëtsëmäˈänëm käjpxwäˈkxpë mä tim jawyiimbë sääbëdë, ja mbäät yajnimaytyaˈaky wiˈix nyajtuˈunëm ja “Yajtëˈëwën diˈib yaˈˈatsoojëmbijtp mä Biiblyë” parë nyaˈëxpëjktsondakëmë jäˈäy ets nyaxët tuˈugë demostrasyonk.
Yëˈë mëjjäˈäytyëjk diˈib mä naymyujkën, yëˈë yˈixandëp pën tuˈukmujktäˈäyëp ja grupë parë nyëjkxtët käjpxwäˈkxpë mä tim jawyiimbë sääbëdë, o pën nëjkxandëp abëkyaty. Ets mbäät tyuˈukmuktë mä ja Tëjk mä nˈëxpëjkëm. Per pën kanääk ja naymyujkën tyuˈukmuktë, kyaj mbäät yajwijtstëgatsy ja xëë mä nyaˈëxpëjktsondakëmë jäˈäy mët ko ndimtsojkëm tyuˈukmujktäˈäyët ja grupë.