¿Nuˈunën mijts xymyëbëky tijatyë Jyobaa të twandaˈaky?

Josué mëdë Salomón ojts tˈyajtëyˈäjtëndëkëdë ko yˈadëëwdääy tijatyë Jyobaa wyandak, nituˈuk duˈunyë kyaninäjxy (Jos. 23:14; 1 Rey. 8:56). Ko yˈadëëwdääy, yëˈë niˈigyë yajtäˈtspëjkypy ja nmëbëjkënˈäjtëm (2 Kor. 13:1; Titʉ 1:2).

Parë nnijäˈäwëm wiˈixë Jyobaa tˈyaˈˈadëëy tijaty ojts tnaskäjpxë ja tiempë mä Josué jyukyˈajty, ixtë tuk familyë tyäˈädë bideo, Nituˈugë Jyobaa yˈää yˈayuk duˈunyë të kyawëˈëmy. Ta net yaˈˈatsoowëmbitëdë tyäˈädë yajtëˈëwën: 1) ¿Wiˈix mbäät niˈˈijxtutëm ja myëbëjkënë Rahab? (Eb. 11:31; Sant. 2:24-26). 2) Extëm jyajtyë Acán, ¿ti xytyukˈijxëm ko kyaj yˈoybyëtsëˈëmxëdë pënaty kyaj tmëmëdowdë Jyobaa? 3) ¿Tiko ja jäˈäyëty diˈib Gabaón ojts twinˈëëndë Josué parë nyayajtuˈugyëdët mët ja israelitëty ets pën jyäjttëbë nety tsyiptundët? 4) ¿Wiˈix yˈadëëyë Jyobaa yˈayuk ko ja nimëgoxkpë reyëty diˈib Amorreo ojts tjanibëdëˈëktë ja israelitëty? (Jos. 10:5-14). 5) ¿Ti Jyobaa të mdukmëdunyëty ko jëjpˈam xypyëjtakë tyuunk? (Mat. 6:33).

Ko nbawinmäˈäyëm tijatyë Jyobaa të xytyukmëduˈunëm ets tijaty yˈaktunaampy, ta niˈigyë ja mëbëjkën kyëktëkë mä tijaty të twandaˈaky (Rom. 8:31, 32).