Nˈoktënäˈäyëm mëk mä ja kutëgoˈoyën wyingoonë

TIKO JYËJPˈAMËTY. Tim tsojk tyunäˈäny jyatäˈänyëty diˈib ninäˈänëm duˈun kyatuny kyajatyëty, ets ja nyaˈijxmatsäˈänëm pën nmëdäjtëmë jotmëkˈäjtën ets pën ndukˈijxpajtëmë Jyobaa. Ja mëj ayoˈon ja tsyondäˈägäˈäny ko nety kyutëgooytyaˈayë relijyonk diˈib kyaj tyëyˈäjtënëty (Mat. 24:21; Diˈibʉ Jat. 17:16, 17). Mä tadë tiempë, waˈan yëˈë nëjkx yajkäjpxwaˈkxy diˈib mëkë jäˈäy myëdowandëp (Diˈibʉ Jat. 16:21). Xynyibëdëˈëgäˈänëmë Gog diˈib tsoˈomp Magog (Ezeq. 38:10-12, 14-16). Ta net “tsyiptunäˈändë mët ja Nintsënˈäjtëm Dios diˈibë tëgekyë mëkˈäjtën myëdäjtypy” (Diˈibʉ Jat. 16:14, 16). Pääty parë nëjkx nˈijtëm jotmëk, tsojkëp tyam mëk ndënäˈäyëm mä nduknäjxëmë amay jotmay.

WIˈIX MBÄÄT NDUˈUNËM

• Ko njukyˈäjtëm wäˈäts extëmë Jyobaa yˈanaˈamën jyënaˈany (Is. 5:20).

• Ko nˈawdäjtëmë Jyobaa mëdë nmëguˈukˈäjtëm (Eb. 10:24, 25).

• Ko pojˈam nmëmëdoˈowëm wiˈixë Jyobaa kyäjpn xynyëˈëmoˈoy xytyuˈumoˈoyëm (Eb. 13:17).

• Ko nbawinmäˈäyëm wiˈix tëëyëbë Jyobaa kyäjpn dyajnitsoky (2 Peed. 2:9).

• Ko nmënuˈkxtakëmë Jyobaa ets yëˈëyë ndukˈijxpajtëm (Sal. 112:7, 8).

KO NETY TË YAˈIJXTÄˈÄYË BIDEO JËJPˈAM ETS NˈIJTËM AMËK JOTMËK MÄ TIJATY MIIN KËDAKP (JEˈEYË TUK PËKY YAˈIXËT), TA YAˈˈATSOOWËMBITËDË TYÄˈÄDË YAJTËˈËWËN:

• 

  Ko ja nmëguˈukˈäjtëm yajwijtstëgäjtstë mä nety tyuˈukmuktë, ¿wiˈix dyajnigëxëˈktë pën mëdoowdëp o kyaj?

• 

  Ko nmëdoˈowëm, ¿wiˈix mbäät xypyudëjkëm parë nˈijtëm jotmëk?

• 

  ¿Tiko nyajtëgoyˈatäˈänëmë jotmëkˈäjtën mä Armajedon?

• 

  ¿Diˈibë tekstë yajkëktëjkëp niˈigyë mëbëjkën ko Jyobaa mbäät xyajnitsokëm? (2 Crón. 20:1-24).