¿Wiˈix mbäät niˈigyë toxytyëjkjäˈäy tmëdundë Jyobaa?

Toxytyëjkëty, yëˈë diˈib niˈigyë tuundëp mä yajkäjpxwaˈkxyë Diosë yˈayuk (Sal. 68:11). Yëˈë diˈib mas nimayë jäˈäy yaˈëxpëjktëp ets nuˈun jyaˈˈatyë prekursoor regulaar, nimaybyë yëˈë toxytyëjk. Milˈamë tyäˈädë nmëguˈukˈäjtëm tyundë extëm Betel, misioneerë, mä yajkojˈyë Diosë jyëën tyëjk o mä yaˈëwnaxy yajkäjpxnaxyë ëxpëjkpajn. Etsë toxytyëjkëty diˈib jantsy oy Dios mëduundëp, mëjwiin kajaa tpudëkëdë fyamilyë ets nenduˈun ja nmëguˈukˈäjtëm diˈib mä kongregasionk (Prov. 14:1). Ets oy mbäät kyatundë ansianë o ministerial, per mbäät niˈigyë dyajmëjwindëjkëdë Diosë tyuunk. Pääty toxytyëjkjäˈäy, ¿tijaty mbäät xyˈaktukmëdunyë Jyobaa?

• Xyajmëjwindëkët ja oybyë jäˈäyˈäjtën (1 Tim. 3:11; 1 Peed. 3:3-6).

• Xytyukniˈˈixët tijaty ja mëëdoxytyëjk diˈib kyajnëm nëgoo tijaty tjat tnijawëdë (Titʉ 2:3-5).

• Niˈigyë mˈëwäˈkx mgäjpxwäˈkxët ets mas oy xytyunët.

• Xyjatëdë wiink ayuk.

• Mnëjkxët mä niˈigyë tyëgoyˈatyë käjpxwäˈkxpë.

• Mnëjkxët Betel o mdunët mä yajkojˈyë jëën tëjk.

• Mnëjkxët mä Eskuelë parë pënaty kyäjpxwäˈkxtëbë Diosë Kyutujkën.

KO NETY TË YAˈIJXTÄˈÄYË BIDEO TOXYTYËJKËTY DIˈIB MËK TUUNDËP, TA YAˈˈATSOOWËMBITËDË TYÄˈÄDË YAJTËˈËWËN:

• ¿Wiˈix të mbudëkëtyë yˈijxpajtënë tyäˈädë toxytyëjkjäˈäyëty?