Septiembrë yˈitäˈäny tuˈugë kampanyë parë jäˈäy nyaˈëxpëjktsondakëm

Septiembrë poˈo, ja mä niˈamukë jäˈäy nˈanëëmëyäˈänëm parë mëët nˈëxpëjktsondakëmë foyetë Jukyˈat agujk jotkujk. Mä taabë poˈo, mbäät mduny prekursoor ausilyaar ets xykyëyakët 30 oorë. ¿Wiˈix mbäät nduˈunëm?

• Ko tim jawyiin nmëtmaytyakëm. Yëˈë yajtun mëdiˈibë miimp mä jyëjpkëjxnë foyetë parë jäˈäy niˈigyë tˈaknijawëyäˈänët ets tukmëtmaytyäˈäk wiˈixë jäˈäy nyaˈëxpëjkëm. Oy ko xynyijëmbitët pënaty yˈoymyëdoowdë Diosë yˈayuk. Axtë pënaty kyaj yˈëxpëkandë, mbäädë net tyam tˈoymyëdowdë extëmë jäˈäy nyaˈëxpëjkëm mëdë jembyë foyetë. Pën kyaj xypyaatyë jäˈäy, kyaj xyajwëˈëmëdë foyetë ets kyaj xytyuknigaxët pënaty kyaj ttsojkënyëˈattë. Ja Komitee mëdiˈibë yˈijxtëp wiˈix tyuˈuyeˈeyë Diosë Tyuunk mä Tuˈukmujkën, yëˈë tyukniwitsëyaampy parë kanäkˈok nbëtsëˈëmëm käjpxwäˈkxpë mä taabë poˈo.

• Wixaty mbäät xyˈaktuny. Pën ja nmëguˈukˈäjtëm yajtuundëp ja karruˈunk mä kyäjpxwäˈkxtë, ta tpëjktäˈäktët ja foyetë Jukyˈat agujk jotkujk. Pën jam tuˈugë jäˈäy tˈoyˈixy ja foyetë, anëëmë ko mbäät namayˈäjtën tˈëxpëkyë Biiblyë. Mbäät xytyukmëtmaytyaˈaky wiˈixën yaˈëxpëky o xyˈanëëmët ko mbäät ok xytyukniˈˈixë. Ja mëdiˈibë yˈijxypy wiˈix ngäjpxwäˈkxëm, mbäät ttuknipëky näägë nmëguˈukˈäjtëm mëdiˈibë kyaj tsyëˈëk jyawëdë yˈëwäˈkx kyäjpxwäˈkxtët mä jäˈäy jyuy tyooktë parë dyaˈëxpëktët. Ets ko mgäjpxwäˈkxët mä jäˈäy xytyimpääty, anëëmë mëdiˈibë mëët mduny o pënaty mdimpatypy ko myaˈëxpëkaampy.

Jesus ojts xytyukˈanaˈamëm parë jäˈäy nyaˈëxpëjkëm ets pyanëjkxëdët (Mat. 28:19, 20). Mä yajtunäˈänyë yäˈädë kampanyë mëdë foyetë Jukyˈat agujk jotkujk, mbäät yëˈë xypyudëjkëm parë nguytyuˈunëm mëdiˈibë Jesus ojts xytyuknipëjkëm.