WIˈIX JYUKYˈATYË DIOS MËDUUMBË
Yajtunë bideo ko jäˈäy xyaˈëxpëjktsondäˈägët
Taxkë bideo jyaˈˈaty mëdiˈibë mbäät nyajtuˈunëm ko jäˈäy nyaˈëxpëjktsondakëm. ¿Wiˈixë jäˈäy pyudëkëyaˈanyëty tuˈuk tuˈugë yäˈädë bideo ets wiˈix mbäät nyajtuˈunëm mä nˈëwäˈkx ngäjpxwäˈkxëm?
¿Tiko xyˈëxpëkëdë Biiblyë? (mëdiˈibë kaˈpxy). Yäˈädë bideo pudëkëyanëbë jäˈäy parë niˈigyë tnijawëyäˈänëdë Biiblyë oy ti relijyonk ttukˈitët. Pudëkëyanëdëp nanduˈun parë tpayeˈeytyëty mä Biiblyë wiˈix yˈatsoowëmbity tijaty nayajtëëwëdëp ets nyimaytyakypy tiko mbäät nmëbëjkëm extëmë Biiblyë jyënaˈany. Mä jyëjpkëjxnë nyigajpxypy ti mbäät xytyuny pën mˈëxpëkaambyë Biiblyë.
¿Tiko xyˈëxpëkëdë Biiblyë? (mëdiˈibë kon). Naa tuk nax mëdë bideo mëdiˈibë miimp kaˈpxy ets kom kyaj nëgoo jyeky, mbäät ndukˈijxëmë jäˈäy mëdiˈibë kyaj nëgoo tiempë tmëdaty.
¿Wiˈixë jäˈäy tˈëxpëkyë Biiblyë? Yäˈädë bideo pudëkëyanëbë jäˈäy parë tˈëxpëkäˈänëdë Biiblyë ets yˈatsoowëmbijtypy tuk pëky majtsk pëky tijaty xëmë jäˈäy nayajtëëwëp, extëm ti mbäät ttuny pën yˈëxpëkaambyë Biiblyë.
Wiˈix yaˈëxpëkyë Biiblyë. Yäˈädë bideo yëˈë yajtukˈijxpë jäˈäy mëdiˈibë të nyaˈëxpëjktsondakëm. Jap myiny mä liibrë Jukyˈat agujk jotkujk, pajina 2, per mbäät nanduˈun xytyukˈixyë jäˈäy pën yëˈë mëët të xyˈëxpëjktsondaˈagyë foyetë. Yäˈädë bideo nyimaytyakypy tijaty myëmiimbyë liibrë ets wiˈixë jäˈäy yˈëxpëkäˈäny.
Yäˈädë taxkpë bideo wiˈixëmë jäˈäy pyudëkëyäˈänëdë, pääty këˈëm mbäät nˈijxëm mëdiˈibë ndukˈixäˈänëm o nduknigaxäˈänëm. Nˈokˈijxëm tuˈuk tuˈugë yäˈädë bideo parë nnijäˈäwëm tijaty myaytyakypy ets duˈunë net yajxon nyajtuˈunëm mä nˈëwäˈkx ngäjpxwäˈkxëm.