¿Ti mbäät mbudëkëty parë këkpäädë Biiblyë xyˈëxpëkët?

Ko xykyäjpxëdë Traducción del Nuevo Mundo, ta xyˈixäˈäny ko myëmiimbyë letrë mutskatypyë. Yäˈädë letrë yëˈë mënëjkxp mä wiinkpë tekstë mä niˈigyë yˈakˈyajnimaytyaˈaky. Pën yëˈë jam mˈijxypy tuˈugë Biiblyë, jaa xypyäädäˈäny itkujky. Per pën jap xykyajpxyë Biiblyë mä jw.org o mä JW Library^®, jeˈeyë xypyanët mä myinyë yäˈädë letrë mutskatypyë, ta mënëjkxäˈänyëty mä wiinkpë tekstë. Yäˈädë yëˈë xytyukˈijxëm ko naymyënëjkxëp tijatyë Biiblyë myaytyakypy.

Ko nbaˈanëmë yäˈädë letrë, ¿tijatyën myëmiimbyë ja tekstë mä xykyajxëm? Min nˈokˈijxëm tëgëëk pëky:

Myëduˈuk. Xymyënëjkxëm mä ja wiinkpë tekstë mä yajnimaytyaˈaky nan yëˈë mëdiˈibë tuun jäjtë. Ixtëm nˈokpëjktakëm, mä 2 Samuel 24:1 tap tuˈugë letruˈunk myiny mëdiˈibë xymyënëjkxëm mä 1 Crónicas 21:1.

Myëmajtsk. Xykyajxëm mä të yajjuutyë ääw ayuk. Ixtëm nˈokpëjktakëm, pën nˈijxëmë Matewʉ 4:4 jap xykyajxëm mä Deuteronomio 8:3.

Myëdëgëëk. Jap xykyajxëm mä ja tekstë mä të yajnaskäjpxë o mä të yˈadëy. Ixtëm nˈokpëjktakëm, ko ngäjpxëmë Zacarías 9:9 jap xykyajxëm mä Matewʉ 21:5.