¿Pën mwinˈixaampy parë tyunët extëmë mˈanaˈambë? | ¿Wiˈixë Biiblyë tnimaytyaˈaky?

Tim tsojkë jäˈäy ttunäˈändë botasionk mä kanäägë paˈis, ets ja mä net twinˈixäˈändë pën tsyojktëp ets yˈanaˈamëdët.

¿Per wiˈixë Biiblyë tnimaytyaˈaky?

Ja anaˈambëtëjk mëdiˈibë yä naxwiiny kyaj tukëˈëyë ja madakën tmëdattë

Biiblyë nyimaytyakypy ti yajtuˈuˈadujkëdëp ja anaˈambëtëjk.

• ‘Këdii xytyukˈijxpatëty yëˈë naxwinyëdë jäˈäy […] mëdiˈibë käˈäp myayëtyën yajnitsoˈogëty. Ko yˈooktëty naxway yˈawëmbitäˈändë, ja xëëw winë yˈadëgooytyaˈay mëdiˈibë të tjamäy të tjatajyën’ (Salmo 146:3, 4, Tios yˈaaw yˈayuk).

Niˈamukë anaˈambëtëjk kuanë ko yˈoogäˈändë, oy nuˈun jyawijyˈattë. Ets oy jyaˈˈanaˈamdë extëm jyapäätyëty, kyaj mbäät ttukjotkujkˈattë ja mëdiˈibë wingudëgatsˈäjtëdëp, pes kyaj tnijawëdë pën oy tyunäˈändë o kyaj (Eclesiastés 2:18, 19).

Biiblyë nyimaytyakypy ko naxwinyëdë jäˈäy kyaj ojts kyojtë parë këˈëm nyayˈanaˈamëdët.

• “Kyaj yëˈë pyaatyëtyë naxwinyëdë jäˈäy mëdiˈibë tuˈuyeˈepy, këˈëm nyaynyëˈëmoˈoy nyaytyuˈumoˈoyëdët” (Jeremías 10:23).

¿Jaˈäjtpëdaa pën mëdiˈibë mbäät tyam oy yˈaneˈemy?

Ja gobiernë mëdiˈibë Dios kyupëjkypy

Biiblyë jyënaˈany ko Dios yëˈë të twinˈixyë Jesukristë parë yˈanaˈamët, pes yëˈë mëdiˈibë mbäät ttunyë yäˈädë tuunk ets mëdiˈibë mbäät yajtukjotkujkˈaty (Salmo 2:6). Yëˈë tuump Rey mä ja Diosë yˈAnaˈam Kyutujkën, yäˈädë gobiernë jam yajpääty tsäjpotm ets desde jam yˈaneˈemy (Mateo 6:10, TNM).

Ets mijts, ¿yëˈë mwinˈixaambyë Jesus parë mˈanaˈˈamëdët? Biiblyë nyimaytyakypy tiko jyëjpˈamëty ets yëˈë xywyinˈixët:

• “Wintsëˈëgëdë ja Uˈunk [Jesukristë] këdiibë Dios jyotˈambëkët ets këdiibë mˈooktët mä ja tuˈu, yëˈko jotˈambëjkp. Agujk jotkujk yajpäättë pënaty yëˈë aˈoˈkëdëp” (Salmo 2:12).

Tyamën ttiempëty parë nwinˈijxëm pën nbuwäˈägëyäˈänëm. Pes extëm ojts yajnaskäjpxë mä Biiblyë, Jesus ja tyëjkë anaˈambë 1914. Nanduˈun ojts yajnaskäjpxë ko ja Diosë gyobiernë, tim tsojk dyajkutëgoyaˈany ja anaˈambëtëjk mëdiˈibë yä naxwiiny (Daniel 2:44).

Pën mˈaknijawëyaampy niˈigyë tiko mbäät xypyuwäˈägë Jesusë yˈanaˈamën, käjpxë yäˈädë artikulo “Apoyemos ahora el Reino de Dios”.