¿Wiˈix ja Diosë gyobiernë dyaˈoyëyaˈany ko yˈamääytyaˈagyë meeny sentääbë?

Mayë jäˈäy abëtsëmy nyaxwinyëdë tsiptakxëdëp tpäättët ja meeny sentääbë, ets niˈigyë nimëjääw dyajnäjxnëdë ja xyëëw tiempë.

• a Ets pën kyaj ti yajtuny, ta jyaˈˈatäˈänyë mas niˈigyë jäˈäy mëdiˈibë oˈktëy ja xyëëw tiempë yajnaxaampy ets “nimay ja mëduumbëty mët ja yˈuˈunk yˈënäˈk kyaj oy ja xyëëw tiempë tnekyyajnaxäˈändë”.

¿Mbäädëdaa gobiernëtëjk dyaˈoyëdë yäˈädë jotmay ko yˈamääytyaˈagyë meeny sentääbë? ¿Mbäädëdaa dyajjëjptëgoytyë?

Biiblyë myaytyakypy tuˈugë gobiernë mëdiˈibë yaˈoyëyaambyë yäˈädë jotmay ets mëdiˈibë pyudëkëyaambyë jäˈäy parë tuˈugyë ja xyëëw tiempë dyajnaxtët. Jyënaˈany ko ja “Dios mëdiˈibë tsäjpotm dyajnaxkëdäˈägäˈäny tuˈugë gobiernë” ets yëˈë mëdiˈibë yˈixaampy wiˈix tijaty nyëˈëyeˈeyaˈany tyuˈuyeˈeyaˈany yä Naxwiiny (Daniel 2:44). Ko nety tyëkë tuumbë yäˈädë gobiernë, kyaj pën jäˈäytyëgoy yˈitäˈäny (Salmos 9:18). Ja Diosë gyobiernë, yëˈë mëdiˈibë myoˈoyaampy niˈamukë jyaˈay tijaty tëgoyˈäjtxëdëp parë yajpäättët agujk jotkujk. Niˈamukë tˈaxäjëyäˈändë ja kunuˈkxën mët ko mëk tyundë (Isaías 65:21, 22).