¿Jamdaa Armajedon tsyondäˈägäˈäny Israel? | ¿Wiˈixë Biiblyë jyënaˈany?

Biiblyë jyënaˈany ko Armajedon kyaj tyunäˈänyëty mä tuˈugë lugäär, yëˈëjën tuˈugë tsip mëdiˈibë tunanëp abëtsëmy nyaxwinyëdë. Ets yëˈë tsiptunäämbë Dios mët niˈamukë gobiernëtëjk mëdiˈibë yä naxwiiny.

• Ta nyaymyujkëdë ja naxwinyëdë reyëty mä ja lugäär diˈibë ebreeë jäˈäyëty tyukxëˈäjttëp Armajedon” (Diˈibʉ Jatanʉp o Apocalipsis 16:14, 16).

Yäˈädë ayuk Armajedon yajjäˈäy ebreo Har Meghiddóhn mëdiˈibë yˈandijpy “kopk mëdiˈibë Meguidó”. Meguidó yëˈë ijty tuˈugë siudad mëdiˈibë yajpat jam Israel. Pääty näägë jäˈäy wyinmaytyë ko Armajedon jam tsyondäˈägäˈäny Israel. Per ni jam Meguidó ets ni mä yˈit lyugäärë Asia (Oriente Próximo) kyayajpääty tuˈugë lugäärë jantsy mëjpë parë tyuˈukmujktäˈäyët abëtsëmy nyaxwinyëdë niˈamukë “ja reyëty” mët ja tsyiptuumbëtëjk.

Mä Diˈibʉ Jatanʉp o Apocalipsis myëmiimbyë ijxpajtën o myaytyakypy tijaty mëdiˈibë niwij nikajp (Diˈibʉ Jatanʉp 1:1). Päätyë Armajedon kyaj yëˈë tˈandijy tuˈugë lugäär, yëˈë duˈun yˈandijpy mä tyuˈukmukäˈändë abëtsëmy nyaxwinyëdë tukëˈëyë ja paˈis ets tnibëdëˈëgäˈändë ja Diosë gyobiernë (Diˈibʉ Jatanʉp 19:11-16, 19-21.