Ti xytyuknijäˈäjëmë Biiblyë

Jyobaa yajkojë Adan mëdë Eebë ets jyukyˈattët xëmë mä ja tsujpë it lugäär. Satanas ta tniwäämbejtyë Jyobaa ko kyaj tmëdatyë madakën parë yˈanaˈamët. Ta Adan mëdë Eebë tpuwäˈkëdë Mëjkuˈu ko kyamëdoodë, duˈun ttukninäjxtë naxwinyëdë jäˈäy ja poky etsë oˈkën

Dios ta ttuknikäjxpejtyë ayoˈonë Satanas, Adan etsë Eebë, ta twandaky ja Tëëm Ääts diˈib yajkutëgoyaambyë Satanas ets dyajjëptëgoyaˈanyë ayoˈon mët ko pyokytyuundë ets ko kyamëdoodë

Jyobaa ta ttukwandakyë Abrään etsë Dabit ko mä ja tyëëm yˈääts myinäˈäny ja Mesias diˈib anaˈamäämp xëmëkyëjxm

Mët yëˈëgyëjxmë Jyobaa kyugajpxyëty ojts tnaskäjxë ko Mesias yëˈë tunäämp Rey mä Diosë yˈAnaˈam Kyutujkën, ets dyajjëjptëgoyaˈanyë tsip, päˈäm, poky etsë oˈkën. Ets yˈanaˈamäˈäny mët 144,000 jäˈäy

Jyobaa tnigajxy ko Jesus yëˈë Mesias, ets tkejxy yä Naxwiiny parë tkäjxwäˈxëdë Diosë yˈAnaˈam Kyutujkën ets tkëyakëdë jyukyˈäjtënë parë naxwinyëdë jäˈäy. Ko Jesus yˈoˈky ta Dios yajjukypyëjkë extëmë anklës

Ko Jyobaa dyajtëkë Kristë Rey jam tsäjpotm, ta tsyondaky ja tiempë mä jyëjpkëxanë tyäˈädë jukyˈäjtën. Jesus yëˈë diˈib tyam yˈijxypy wiˈix yajkäjxwaˈxyë yˈAnaˈam Kyutujkën naxwinyëdë abëtsemy

Jyobaa tmoˈoyaˈanyë kutujkënë yˈUˈunk parë tˈanaˈamëdë naxwinyëdë jäˈäy. Ta dyajkutëgoyaˈanyë anaˈambëtëjk, dyajjëmbitäˈänyë Naxwinyëdë jantsy tsuj ets ta jatëgokë jäˈäy jyëmbitäˈändë wäˈäts jäˈäy. Ninäˈä kyanekyyajnibëdëˈëgäˈäny ja madakën diˈibë Jyobaa myëdäjtypyë parë yˈanaˈamët etsë xyëë yˈitäˈäny wäˈäts xëmëkyëjxm