Dios yëˈë waanë oybyë mëtnaymyaayëbë diˈib mbäät xymyëdaty

Nˈijtëm myëtnaymyaayëbë Dios yëˈë waanë oy diˈib mbäät xymyëdaty mä mjukyˈäjtënë. Dios mdukniˈixëyanëp wiˈix xypyäädëdë jotkujkˈäjtënë ets wiˈix kyaj may mdäjët; myaˈawäˈätspëtsëmëdëp mä mayë tukniˈijxënë diˈib kyaj tyëyˈäjtënëty ets mä tuˈunënë diˈib axëktuump. Myëdowëbë mnuˈkxtakënë. Moˈoyëdëbë nikˈäjt xeemyˈäjtënë ets nitii xykyajëjptsëˈëk xykyajëjpjawët (Salmo 71:5; 73:28; Filipʉ 4:6, 7). Dios mbudëkëyanëp ko xytyuknaxëdë amay jotmay (Salmo 18:18). Nandëˈën, Dios mˈawäˈänëbë jukyˈäjtënë winë xëë winë tiempë (Romʉ 6:23).

Ko xymyëwingonyë Dios, nandëˈën xymyëwingonyë Diosë myëtnaymyaayëbëty. Diˈibë Dios mëët nyaymyayëty nan nëjxëp mëët mnaymyayëty. Dëˈën nëjx xyjawë extëmë mëgaˈaxën. Xondäˈäktëp mdukniˈixëdët Diosë jyaˈa, nëjxëp mbudëkëdë ets mëjämoˈoyëdë.

Kyaj nmëgijxyˈäjtëmë Dios. Mä xytyunyë mëjää mnaymyayëty mëdë Dios, jëjpˈamë tyäˈädë xyjaygyukët: naymyaˈayëm mëdë Dios kyaj dyëˈënëty extëm naymyaˈayëm mët tuˈugë naxwinyëdëjäˈäy. Yëˈë waanë jeky kujk jyukyˈäjnë ets kyaj dyëˈënëty ëtsäjtëm ets waanë niˈigyë wyijyëty ets kyumëjääty. Yëˈë dëˈën tuˈuk diˈib myëdäjtypyë madakën ets yˈitët extëmë nˈAnaˈambëˈäjtëm. Pääty, pën naymyayäˈänëm mët yëˈë, tsojkëp nmëmëdoˈojëm ets nduˈunëm diˈib yëˈë xyˈandoˈojëm. Ko nmëmëdoˈojëmë Dios yëˈë ets xëmë ndukˈoyˈäjtëm (Santya̱ˈa̱gʉ 1:25).