“¿Të xyˈixy tuˈugë yetyëjk diˈib jyajtypy yajxonë tyuunk? Rey wyindum tyanëyaˈany; kyaj twindanëyaˈany oynyapënëty.”

(Proverbios 22:29)

“Diˈibë maˈtsp, kyaj yˈokmaˈtsnët, waˈan oy ttuny es tmëdatët tii es tpudëkët diˈibë jam tëgoyˈäjtxëdëp.”

(Éfesʉ 4:28)

“Niˈamukë kyaytyët ets yˈuuktët ets ttukxondäˈäktët ko mëk tyun yˈayowdë. Tyäˈädë yëˈë duˈunë Dios xytyukmayˈäjtëm.”

(Eclesiastés 3:13)

“Ja diˈib tsyejpyë xondakën, ayoobë jäˈäy jyëmbitäˈäny; ja diˈib tsyejpyë binë etsë aseytë kyaj myëkjäˈäyˈatäˈäny.”

(Proverbios 21:17)

“Diˈib nuˈkxp yëˈë tuumbëˈäjtëp ja diˈib yajnuˈkxëp.”

(Proverbios 22:7)

“Pën miits niduˈuk mgojaampy tuˈugë potsy këjxm, ¿kyaj jawyiin xyˈoktunët ja mguentë es xyˈixët wiˈix xyaˈˈabäädët? Es pën jeˈeyë të xynyidäjë ja mbotsy es kyaj mbäät xynyakyyaˈˈabety, nidëgekyë jäˈäyëty mij mdukxiˈigëdët es jyënäˈändët: Tadë jäˈäy jeˈeyë të tpojtseˈegyë es kyaj tˈokˈyaˈˈabajnë.”

(Lukʉs 14:28-30)

“Ko naty të jyotkëdäˈäktë, ja Jesus tˈanmääytyë ja yˈëxpëjkpëty: Yajmujktäˈäytyë tëgekyë yëˈë tsäjkaaky tyuktukë diˈibë të nyadëkë, këdiibë ti wyindëgoyët.”

(Fwank 6:12)

“Mas oy tuk texyë ujtskëˈëw mä jyamˈatyë tsojkën ets kyaj dyuˈunëty mä jyamëtyë tsäjpkätsuˈuty diˈib jantsy oy, per jamˈäjtpë nayˈaxëkˈixë.”

(Proverbios 15:17)

“Ëjts, Jyobaa, ëjtsën mijts xyDiosˈäjtp, ja diˈib mdukniˈˈijxëp parë këˈëm xytyukˈoyˈatët, ja diˈib mduˈumooyëp wiˈix mbäät mnëˈëyoˈoy mduˈuyoˈoy.”

(Isaías 48:17)

“Jotkujk yajpäättë pënaty jyäˈäwëdëp ko yajtëgoyˈäjttëbë Dios, pes ja Kutujkën diˈib tsäjpotm yëˈë jyaˈäjttëp.”

(Mateo 5:3, Traducción del Nuevo Mundo)

“Mtsokëp ja mëdëjkpäˈä extëm mij këˈëm mnaytsyekyëty.”

(Matewʉ 22:39)

“Es tundë miitsëty mët nidëgekyë jäˈäy extëm xytsyoktë es yëˈëjëty ttundët nandëˈën mët miitsëty.”

(Lukʉs 6:31)

“Niˈigyë jyotkujkëty diˈibë myëdoodëp extëm ja Dios jyënaˈany es myëmëdoodëp.”

(Lukʉs 11:28)

“Kyaj jäˈäy yëˈëyë ttimtukjikyˈaty ko mayë pyëjtaˈaky tmëdaty.”

(Lukʉs 12:15)

“Per pën yää nmëdäjtëm ja käˈäy ukën es ja wit nijam, mët yëˈëyë tyäˈädë njotkujkˈäjtëm.”

(1 Timotee 6:8)

“Niˈigyë njotkujkˈäjtëm ko wiink jäˈäy nbudëjkëm es kyaj ko wiink jäˈäy xypyudëjkëm.”

(Apostʉlʉty 20:35)

“Tuknijëduwë Jyobaa ja mtsëmy mgëˈëy, ets yëˈë mbudëkëdëp. Ninäˈä tkanasˈixëyaˈany etsë oyjyaˈay kyëdawët.”

(Salmo 55:22)

“Ja diˈib yajxon tijaty tyukniwijtsëp seguurë ko yˈoybyëtsëmy, per diˈib jantsy pojënë tijaty tyuungojpy, seguurë ko ayoodëkëp.”

(Proverbios 21:5)

“Këdii mtsëˈëgë, yëˈko nyajpäätyëts mët mijts. Këdii may mdäjy, mët ko ëjts xyDiosˈäjtp. Ëjts mijts njotmëkmoˈoyaampy, duˈun, ëjts mijts nbudëkëyaampy, nwijtsˈitaampy mëdëtsë nˈaˈoygyëˈë diˈib tyuumbyë tëyˈäjtën.”

(Isaías 41:10)

“¿Pënë dëˈën mbäät dyajˈyony ja jyikyˈäjtën mët ko myay tyajy?”

(Matewʉ 6:27)

“Kyaj xymyëmay xymyëdäjtët pën ti bom ëxtëjm miimp këdakp, jaˈa ko bom bom miits xymyëdattë diˈibë mmëmay mmëdäjëp.”

(Matewʉ 6:34)

“Es xywyinˈixtët miits diˈibë dëˈën oy [o jëjpˈam].”

(Filipʉs 1:10)

“Katë mmay mdäjtë, nik oy, pën ti tuun jäjtëp, käjxtäˈäktë es amdow pëjktsowdë Dios, es xyjaˈaygyëdäˈäktët nandëˈën. Netë Dios mmoˈoyëdët yëˈë yˈagujkˈäjt jyotkujkˈäjtën, diˈibë waanë niˈigyë myëjëty këdiinëm diˈibë jäˈäy mbäät tjaygyukë. Esë tyäˈädë agujkˈäjt jotkujkˈäjtën kyuwäˈänëp ja mjot mwinmäˈäny tiˈigyë mët ja Jesukristë.”

(Filipʉs 4:6, 7)

KASÄÄDË YETYËJK ETSË UˈUNKTEETY

“Nidëgekyë yetyëjkëty ttsoktët ja yˈuˈunk nyëdoˈoxyëty extëm nyaytsyekyëty këˈëm. Diˈibë tsyejpy ja nyëdoˈoxy, naytsyojkëbë dëˈën këˈëm. Ni näˈänëm pën tkamëtsipˈaty ja kyëˈëm niniˈx, nik niˈigyë tmoˈoy ja jyeˈxypyeky es tkuentˈaty yajxon.” “Jëjpˈam es miits xytsoktët yëˈë mnëdoˈoxy extëm mij këˈëm.”

(Éfesʉ 5:28, 29, 33)

“Etsë uˈunkteetyëty, kyaj dyajjotˈambëktëdë yˈuˈunk, niˈigyë dyajˈyaak dyajpattët mä Jyobaa jyëjwijtsëmbijtën etsë yˈëwij kyäjpxwijën.”

(Efesios 6:4, Traducción del Nuevo Mundo)

KASÄÄDË TOXYTYËJK

“Jëjpˈam [...] es yëˈë kasäädë toxytyëjk twintsëˈëgëdët yëˈë nyaˈay.”

(Éfesʉ 5:33)

“Kasäädë toxytyëjkëty, naygyubëkëdë mä mnyaˈayëty [o kajpxykyupëktë], mët ko dëˈën nyigutikyëty mtsëënëdët extëmë Nintsënˈäjtëm Jesukristë ttseky.”

(Kolosʉ 3:18)

UˈUNK ËNÄˈK

“Uˈunk ënäˈkëty, mëmëdowdë mdääk mdeety yajxon jaˈagyëjxm ko mjaˈäjtëdëp ja Nintsënˈäjtëm, mët ko tyäˈädë dëˈën pyaatyëty. Ja jawyiimbë anaˈamën mä Dios wandakën tpëjtaky, dëˈën jyënaˈany: Mwintsëˈëgëp ja mdääk mdeety es ja Dios mmoˈoyëdët tuˈugë jikyˈäjtën ja oybyë es yeny yä naxwiiny.”

(Éfesʉ 6:1-3)

“Uˈunk ënäˈkëty, mëmëdowdë ja mdääk mdeety, mët ko tyäˈädë dëˈën yˈoyjäˈäp ja Nintsënˈäjtëm.”

(Kolosʉ 3:20)