Nˈokjukyˈäjtëm mëbëjkëngyëjxm ets kyaj mët ko tijaty nˈijxëm
Mä netyë Jerusalén käjpn kyanadukynyëm ets kyakutëgoynyëm, ta apostëlë Pablo tnijäˈäyëdë ja Dios mëduumbëty, tˈanmääytyë ko extëmë Kristë tsyiptuumbëty, pyäädandëbë netyë amay jotmay ets kyaj nyekyjotkujkˈatäˈändë (2 Tim. 2:3, 4). Tyam nan wingoomp mä kyutëgoyaˈanyë axëkjäˈäytyëjk, pääty tsojkëp nmëdäjtëmë mëbëjkën parë jot winmäˈäny nbëjtakëm mä Diosë tyuunk (2 Kor. 4:18; 5:7). Ixë bideo “Andamos por fe, no por vista”, (mbäät xypyaaty mä jw.org, mä jyënaˈany PUBLICACIONES, ta net DOCUMENTALES Y PELÍCULAS). Ix wiˈixë Nadab mëdë Débora yaˈˈayoˈonbatëdë ko niˈigyë tˈookˈäjttë tijatyë nety myëdäjttëp. Ta net nˈatsoowëmbijtëmë tyäˈädë yajtëˈëwën.
1) ¿Ti yˈandij mä primer siiglë, “ja axëëkpë” diˈib tënaapy “mä wäˈäts lugäär”, ets ti tyuundë pënatyë nety pyanëjkxtëbë Jesus jam Jerusalén? Mat. 24:15, 16). 2) ¿Tiko nety jyëjpˈamëty tmëdattëdë mëbëjkën parë pyëtsëmdët Jerusalén? 3) ¿Tijaty myastuttë? 4) ¿Tiko Nadab mëdë Débora ok tsyoˈondë? (Mat. 24:17, 18). 5) ¿Ti jotmay jatëgok pyatë Raquel ko tsyoˈondë Jerusalén? (Mat. 10:34-37; Mar. 10:29, 30). 6) ¿Ti oybyë ijxpajtën xymyoˈoyëmë Jafet extëm tpëjtakyë mëbëjkën mä Jyobaa ets ttukˈijxpejty? 7) ¿Ti jotmay wyinguwäˈkëdë ja Dios mëduumbëty jam Pela? 8) ¿Wiˈixë Nadab mëdë Débora wanaty wanaty dyajtëgooytyë myëbëjkën? 9) ¿Wiˈixë Jyobaa tkuentˈäjty ja Dios mëduumbëty diˈib tsënääytyë Pela? (Mat. 6:33; 1 Tim. 6:6-8). 10) Kom tyam niˈigyë wyingoonë mä jyëjptëgoyaˈanyë tyäˈädë jukyˈäjtën, ¿wiˈix mbäät nbanëjkxëmë yˈijxpajtënë Abrahán mëdë Sara? (Eb. 11:8-10). 11) ¿Tiko Nadab mëdë Débora jyëmbijttë jatëgok Jerusalén, ets tiko nety këˈëm nyaywyinˈëënëdë? (Luk. 21:21). 12) ¿Wiˈixë nety yˈixëty ja jukyˈäjtën Jerusalén ko jam jyëmbijttë Nadab mëdë Débora? 13) ¿Tiko tyam jyëjpˈamëty nyajkëktëjkëmë mëbëjkën mä kyaminynyëmë kutëgoˈoyën? (Luk. 17:31, 32; 21:34-36).
Njukyˈäjtëm mëbëjkëngyëjxm yëˈë yˈandijpy 1) ndukˈijxpajtëmë Jyobaa, 2) nasˈijxëm parë yëˈë xytyuˈumoˈoyëm ets 3) nbëjtakëm jëjpˈamë Diosë tyuunk ets kyaj dyuˈunëtyë jukyˈäjt madakën. ¡Nˈokjukyˈäjtëm niˈamukë mëbëjkëngyëjxm ets nˈoktuˈunëm ti Dios tsyojkënyëˈajtypy! Extëm jyënaˈanyë 1 Fwank 2:17 ko “Dios yajkutëgoyaampy ja naxwinyëdë [jäˈäyë] wyinmäˈäny mët tëgekyë diˈibë jäˈäy atsojktëp [...], per ja jäˈäy diˈibë kyuytyiimpy ja Diosë tsyojkën, jikyˈäjtp winë xëë winë tiempë”.