Mä ja nëˈë tuˈu diˈib mënëjkxp mä ja nëbajtën, ¿mä tyam myajpääty?
WIˈIX JYUKYˈATYË DIOS MËDUUMBË
Pëjtäˈägë mwinmäˈäny ets xymyëdunëdë Jyobaa
¿Jeˈeyënëm mduny publikadoor, o apenënëm xyˈëxpëkyë Biiblyë? ¿Të ogäˈän xywyinmay ko mnëbatäämp? ¿Tiko yˈoyëty mnëbatët? Jaˈko pën mnaywyandakëp mä Jyobaa ets mnëbajtp, ta mëët mnaymyaaybyëkëdët ets mbäät xypyaaty ja nitsokën (Sal. 91:1; 1 Peed. 3:21). ¿Tijaty mbäät xytyuny parë mnaywyandäˈägëdët ets mnëbatët?
It seguurë ko tyäˈädë yëˈë duˈun ja tëyˈäjtën, ets pën mˈamajtsk mjotmajtskëp, payoˈoy (Rom. 12:2). ¿Tëgoyˈäjtp ets mˈaknayaˈoyëdët? Oy ko duˈun xytyunët mët ko xytsyoky etsë Jyobaa mdukjotkëdäˈägëdët (Prov. 27:11; Éfes. 4:23, 24). Amdowë Jyobaa nyaybyudëkë ets it seguurë ko mbudëkëyanëp mët yëˈëgyëjxmë yˈespiritë santë (1 Peed. 5:10, 11). Oy ko xytyunëdë mëjääw, pes nitii duˈun kyaˈoyëty extëm ko xymyëdunëdë Jyobaa (Sal. 16:11).
KO NETY TË YAˈIJXTÄˈÄYË BIDEO JA NËˈË TUˈU DIˈIB MËNËJKXP MÄ JA NËBAJTËN, TA YAˈˈATSOOWËMBITËDË TYÄˈÄDË YAJTËˈËWËN:
¿Tijaty jotmay nääk të tmëmadäˈäktë parë mbäät të nyëbattë?
¿Ti tsojkëp xytyunët parë xymyëdatët mëk ja mëbëjkën etsë Jyobaa xytyukwandäˈägëdë mjukyˈäjtën?
¿Ti mayë nmëguˈukˈäjtëm të pyudëkëdë parë të nyëbattë?
¿Wiˈixë Jyobaa tkunuˈkxy pënatyë wyinmäˈäny të tpëjtäˈäktë myëdunäˈänëdë?
¿Ti yˈandijpy ko Jyobaa xytyukwandäˈägëdë mjukyˈäjtën ets ko mnëbatët?