BIBLIOTEKË MÄ INTERNET Watchtower

BIBLIOTEKË MÄ INTERNET

mwb16 abril paj. 3
Mëjämoˈoyë mmëguˈuktëjk mëdë oybyë ääw ayuk

Wiˈix njukyˈäjtëm ets nDiosmëduˈunëm: Tijaty yaˈëxpëkäämp ets yajtukjayëyäämp (2016)

mwb16 abril paj. 3

TIJATY YAJPATP MÄ BIIBLYË TSOBATP MËJWIIN KAJAA | JOB 16-20

Mëjämoˈoyë mmëguˈuktëjk mëdë oybyë ääw ayuk

Ko pën ngäjpxwijëm oyxyëp ko nmëjämoˈoyëm

16:4, 5

Job këjx tujk ets mon tuk nyayjäˈäwë. Yajtëgoyˈäjtë naybyudëkë ets tsyojk pën mëjämoˈoyëdëp.
Ja nidëgëëkpë myëguˈuktëjk nituˈuk kyajotkujkmooyë. Niˈigyë myooyëdë jäj jëmuˈumën extëm nyiwäämbajtëdë.

Job yajjotˈambëjkë Bildad ko mëkaty ojts myëgajpxyëty

19:2, 25

Job yˈamdoow pyëjktsoowë Dios ets yaˈˈawäˈätspëtsëmëdët, oy yëˈëjëty mëdë oˈkën.
Job yˈawijx jyëjpˈijx ko oˈkpë jyukypyëkäˈäny ets yëˈë pudëjkë parë myadäˈägët ets kyaj tmastuˈudëdë Dios.

Elifaz tmëgajpxyë Job mientrësë Bildad mëdë Zofar yˈixëdë

¿PËNATYË JOB NIWÄÄMBAJTË?

Elifaz

Waˈan jam kyugäjpnëty Temán (Edom). Mä Jeremías 49:7 yajmaytyaˈagyë Temán ko jam yˈijttë ja wijy jyaˈayëty diˈib Edom.
Waˈanë Elifaz yëˈë diˈib mas mëj ets diˈib mas tuun ja yˈääw yˈayuk mä nidëgëëkpë. Yëˈë diˈib tim jawyiin käjpx, ja ojts kyajpxy tëgëkˈok ets jekyaty.

¿Wiˈix tniwäämbejtyë Job?

Tyukjaygyukëyanë Job ko kyaj jyukyˈaty tëyˈäjtën myëët ets ko Dios kyaj ttukjotkujkˈaty pënaty mëduunëp (Job 4, 5).
Jyënany ko Job kyaj twintsëˈëgë Dios, ko jantsy axëkjäˈäy ets ko kyaj tkuentëty wiˈixë Dios wyinmay (Job 15).
Nyiwäämbajtë Job ko kyaj yˈoyjyaˈayëty ets ko tyukwindukˈoˈkypy tijaty, ets ko Dios kyaj dyajtsobäätyë naxwinyëdë jäˈäy (Job 22).

Bildad

Tyëëm yˈäätsë Súah. Waˈan jam tsyënääy Éufrates mëjnëëbëˈääy.
Yëˈë myëmajtsk diˈib käjpx. Kyaj nëgoo jeky ojts kyajpxy, per niˈigyë yˈääw yˈayuk yajtsayujty ets kyaj dyuˈunëtyë Elifaz.

¿Wiˈix tniwäämbejtyë Job?

Duˈun dyajjaygyukëyany ko ja yˈuˈunk yˈënäˈkë Job të nety pyokytyundë ets ko nitëjkëdëp extëm të jyattë, ets ko Job kyaj ttsëˈëgë Dios (Job 8).
Jyënany ko Job jantsy axëkjäˈäy (Job 18).
Ets ko ninuˈun kyatsobääty ko xëmë Dios tmëmëdoy (Job 25).

Zofar

Tsyoony mä tyëëm yˈäätsë Naamá ets waˈan tsyënääy Arabia.
Yëˈë myëdëgëëk diˈib käjpx ets diˈib mas axëëk nyiwäämbajtë Job. Jeˈeyë majtskˈok ojts kyajpxy.

¿Wiˈix tniwäämbejtyë Job?

Nyiwäämbajtë Job ko nëgoobë jeˈeyë kyajpxy ets yˈanmääy parë tmastuˈudët ja yˈaxëknëˈë yˈaxëktuˈu (Job 11).
Yajjaygyukëyan ko Job jantsy axëkjäˈäy ets ko tyukxondakypyë poky kaytyey (Job 20).