Programë mä sëmään marsë 26–1 abril

MARSË 26–1 ABRIL

Ëy 92 etsë nuˈkxtakën

□ Yaˈëxpekyë Biiblyë mä Naymyujkën

bt-S kap. 18 parr. 12-18 (25 min.)

□ Yajniˈëxpëkë Diosë Tyuunk

Yajkajpxyë Biiblyë: Jeremías 12-16 (10 min.)

1: 1 Tesalónikʉ 4:1-14 (4 min. o waanë)

2: ¿Ti mbäät nduˈunëm parë nbatëm ja jukyˈäjtën diˈib winë xëë? (bh kap. 3 parr. 15, 16) (5 min.)

3: Nˈoktuˈunëm tijaty tëyˈäjtën mëët mä familyë (lv kap. 14 parr. 6-9) (5 min.)

□ Yajniˈëxpëkë wiˈix ngäjpxwäˈkxëm

Ëy 124

5 min. Tijaty yajtuknijäˈäjëm. Anëëmë nmëguˈukˈäjtëm mäjaty kyajnëm wyaˈkxy ja inbitasyonk, mä yajjamyatsäˈänyë Jesusë yˈoˈkën xëë.

10 min. Kyaj xyjaˈaytyëgoytyët mˈoyjyaˈayˈattët (Ebre. 13:1, 2). Diskursë. Yëˈë yajnaxëp tuˈugë mëjjäˈäy. Nigäjpx wiˈix të yajtukniwitsë mä yajjamyatsäˈänyë Jesusë yˈoˈkën xëë. Nimaytyäˈäk wiˈix mbäät ja nmëguˈukˈäjtëm dyaˈixëdë yˈoyjyaˈayˈäjtën ko myindët ja jäˈäy ets ja nmëguˈukˈäjtëm diˈib kyaj yˈoknëjkxnëdë mä ja naymyujkën. Waˈan tuˈugë nmëguˈukˈäjtëm dyajnaxyë demostrasyonk: Tim jawyiin, yëˈë mä tˈanëëmë ja jäˈäy diˈib të yajwoy ko oy ko të myiny, mä kyajnëm tsyondaˈaky ja naymyujkën; ta jatëgok ko nety jyëjpkejxy, nan yëˈëyëmë tyäˈädë nmëguˈukˈäjtëm dyaˈixëdët wiˈix mëët nyaygyajpxyëty ja jäˈäy ko jatëgok tnijëmbitäˈäny.

20 min. “Diosë kyojy pyëjtaˈaky yëˈë yajnigëxeˈkypy ja myëjˈäjtën.” Yajtëw ets yaˈˈatsoojëmbitët. Yajtsondäˈäk ja maytyaˈaky mëët ja tim jawyiimbë parrafo ets xyajjëjpkëxët mët ja tim okpë parrafo. Anëëmë ja nmëguˈukˈäjtëm wiˈix të pyudëkëdë tyäˈädë bideo ets wiˈix mbäät dyajtundë mä kyäjpxwäˈkxtë.

Ëy 110 etsë nuˈkxtakën

Diosë kyojy pyëjtaˈaky yëˈë yajnigëxeˈkypy ja myëjˈäjtën

Mayë jäˈäy tsyojkënyëˈäjttëp tˈixäˈändë Dios kyojy pyëjtaˈaky. Per niwaanë tjaygyukëdë ko Dios yajnigëxeˈkypyë jyot wyinmäˈäny mä kyojy pyëjtaˈaky ets tijaty jyäˈäwëp mä jyot kyorasoon (Rom. 1:20). Tëëyëp, David yˈixyˈäjtë Jyobaa mët ko ojts tkajpxyë Diosë yˈAyuk. Per nan “yˈijx” ets myëwingoonë Dios mët ko tˈijxy ja kyojy pyëjtaˈaky (Sal. 8:3, 4). Tadë DVD diˈib xyëˈäjtypy: Las maravillas de la creación revelan la gloria de Dios mbäät xypyudëjkëm parë niˈigyë nnijäˈäjëm ja Diosë kyojy pyëjtaˈaky ets nan mbäät tpudëkë uˈunk ënäˈk etsë jäˈäy diˈib nyaˈëxpëjkëm, parë tˈixtët wiˈixë Dios jyaˈayˈaty ets niˈigyë tmëwingondët. Ko nety të nˈijxtäˈäyëmë DVD, ta net nˈijxëm pën mbäät nˈatsoˈojëmbijtëmë tyäˈädë yajtëˈëwën.

1) Ko nˈijxëm tukëˈëyë diˈib jaˈäjtp ets wiˈix yˈity tukniwits tukniwääbë, ¿wiˈix xypyudëjkëm parë niˈigyë nmëjjäˈäwëmë Jyobaa? (Isa. 40:26.) 2) Ko nˈijxëm yajxonë nëë, ¿ti xytyukniˈˈijxëm mä pën ojts dyajkojy? (Diˈibʉ Jat. 14:7.) 3) Ko nˈijxëm nuˈunën myëjëtyë Naxwinyëdë ets nuˈunën tmëjagamgeˈegyë Xëë, ¿ti xytyukniˈˈijxëm mä wyijyˈäjtënë Jyobaa? 4) ¿Tiko ojts kyojˈyë Poˈo? (Sal. 89:37.) 5) ¿Wiˈixë Jyobaa të dyajkojˈyë naxwinyëdë jäˈäy parë ttukxondäˈägëdë jukyˈäjtën? 6) ¿Ti duˈun yajtijp ADN? (Sal. 139:16.) 7) ¿Tiko kyaj tyuknaxëtyë naxwinyëdë jäˈäy mëdë wiinkpë Jyobaa kyojy pyëjtaˈaky? (Gén. 1:26.) 8) ¿Tijaty mtsojkënyëˈajtypy xytyunäˈäny mä ja jembyë jukyˈäjtën?

Myiny mä jyënaˈany extras: 9) ¿Mä tsyoonyë koloor? 10) ¿Wiˈixë nëë ttukˈyoˈoy ja ujts kepy ets jyaˈty mä ujtsˈääy? 11) ¿Wiˈixë nëë tpudëkë niniˈkx këbäjk? 12) Oknimaytyäˈäk tuˈuk majtskë ijxpajtën mä wiˈixë Diosë kyojy pyëjtaˈaky tuˈugyë nyayaˈitëdë. 13) ¿Ets wiˈix tnijawëdë pën diˈib mbäät mëët tuˈugyë nyayaˈitëdë? 14) ¿Ti yˈandijpy ángulo áureo, ets wiˈix nyigëxeˈeky mä Diosë kyojy pyëjtaˈaky?

Nˈokˈijxëm yajxonë Jyobaa kyojy pyëjtaˈaky. Jesus ojts tˈanëëmë yˈëxpëjkpëty ets tˈixtët “yëˈë joon jëyujkëty” ets “wiˈix aamyoty yondë ja pëjy” (Mat. 6:26, 28). Pën nduˈunëm duˈun, ta ja mëbëjkën niˈigyë kyëktëkë, ndukˈijxpajtëm niˈigyë Jyobaa ets nëjkx niˈigyë nmëjjäˈäwëm ja wyijyˈäjtën, myëkˈäjtën etsë tsyojkën. Kyaj naˈijxëm ets xyajtuˈudujkëm tijaty tyuundëbë naxwinyëdë jäˈäy, nˈokjuˈtëmë tiempë ets ja jot mëjää parë nˈijx nduˈunëm ja kyojy pyëjtaˈagyë Jyobaa ets nbawinmäˈäyëm ti xytyukniˈˈijxëm mä pënën yëˈë (Sal. 19:1).