Ko Salomón yˈanaˈamtsondaky Israel, ta Jyobaa yajtëëwë: “¿Ti mtsojkypy nmoˈoyët?”. Salomón ta yˈatsooy: “Mutsknëmëts ets kyajts oy nnijawë wiˈixëts tijaty ndunët. Tunë mayˈäjtën, mmoogyëtsë wijyˈäjtën parëts nguentˈatëdë mgäjpn”. Jyobaa ta yˈanmääyë: “Kom yëˈëts të xyˈamdoyë wijyˈäjtën, mijts diˈib mˈitäämp mas kuwijy. Per kyaj yëˈëyëty, nan nmoˈoyaambyë mëkjäˈäyˈäjtën ets nan nëjkxëp mjukyˈaty kanäk jëmëjt pën xymyëmëdoowbëts”.

Salomón ta tkojtsondaky ja templë. Yëˈë yajtuunë oorë, platë, kepy etsë tsää. Tukëˈëyë diˈib yajtuun ak yëˈë oyatypyë. Milˈamë yetyëjk etsë toxytyëjkë wijyˈyatypyë tyuundë. Kyum jëxtujk jëmëjt, ta yajkojˈabejty ja templë. Ta net tpaty ja xëëw mä Jyobaa yajtukëdëyaˈany, ta yajpëjtaky ja wintsëˈkën mä ja altaar. Ta Salomón nyaygyoxtënääytyakë altaar winduuy ets nyuˈkxtaky: “Mijts Jyobaa, yëˈë mjanitëjkëp tuˈugë templë mas mëjpë ets tsujpë këdiinëmë tyäˈädë. Per tunë mayˈäjtën, kupëk extëm nˈawdattë ets nmënuˈkxtäˈäktë”. Wiˈix mˈokwinmay, ¿tyukjotkëdakëdaa Jyobaa ja templë? ¿Myëdoowˈijt extëmë Salomón myënuˈkxtakë? Ko nyuˈkxtaktääy, ta jënˈyaˈank ojts kyaˈay ets tnoˈktääy ja wintsëˈkën. Duˈunë Jyobaa dyajnigëxëˈky ko tyukjotkëdakypyë nety ja templë. Ko ja israelitëty duˈun tˈijxtë, ta jantsy jotkujk nyayjäˈäwëdë.

Kom ja rey Salomón jantsy wijy yˈijty, yˈixyˈäjtë jäˈäy mä tukëˈëyë ja it lugäär. Nimay ijtyë jäˈäy nyinëjkxyëty parë tpudëkët ets dyaˈoyët ja yˈamay jyotmay. Axtë ja reyna diˈib tsoˈomp Seba ojts nyinëjkxyëty parë yˈixäˈänyëty pën jantsy wijˈyë duˈun, ets yajtëëwë tijaty diˈib jantsy tsip. Ko tmëdooy wiˈix tˈatsooyë Salomón, ta jyënany: “Kyajtsë nety nmëbëky extëmëts të nyaˈˈanëëmë, per tyamnëmëtsë net nˈixy ko niˈigyë mwijˈyëty ets kyaj dyuˈunëty extëmëts të nyajtukmëtmaytyaˈaky. Yëˈë mDios Jyobaa të mgunuˈkxyëty”. Jam Israel jantsy oyë jäˈäy jyukyˈäjttë ets agujk jotkujk, per kyaj jyejky.

Ko Salomón tˈawdäjtyë Jyobaa, jamˈäjtë jotkujkˈäjtën Israel. Per ta tpëjky nimayë toxytyëjk diˈib tsoˈondëp wiink paˈis, ets yëˈë nety yˈawdäjttëbë awinax. Ta wanaty wanatyë Salomón tyëgäjtsy ets nanduˈun tˈawdäjttsondaky ja agojwinax. Jyobaa ta jyantsy jotˈambëjky ets tˈanmääy: “Nbëjkëyaambyëtsë mfamilyë ja anaˈamdakn etsëts nyajnaywyäˈkxäˈänyëty majtsk pëky. Ja kajaabë anaˈamdakn, yëˈëts nmoˈoyaampy niduˈugë mduumbë, etsë mfamilyë waanë tmëwëˈëmëyaˈany”.

Parë niˈamukë tjaygyukëdët ti nety Jyobaa myaytyäˈägaampy. Ta ja kugajpxy Ahíya nyaybyatë mëdë Jeroboán, tuˈugë tyuumbë Salomón. Ahíya tamë nety tmënëjkxy tuˈugë wit, ta ojts tkëˈtswaˈkxy mäjmajtsk pedasë ets tˈanmääyë Jeroboán: “Jyobaa yajjëgaˈagaampy ja anaˈamdakn jam Israel diˈib mä fyamilyë Salomón ets dyajnaywyäˈkxäˈänyëty majtsk pëky. Axäjë mäjk pedasë tyäˈädë wit, mët ko mijts mdunäämp rey mä mäjkpë tëëm ääts”. Ko ja rey Salomón tnijäˈäwë, ta tjayaˈooganyë Jeroboán. Perë Jeroboán ta kyeky ets ojts nyijkxy Egipto. Ko tiempë nyajxy, ta yˈoˈkyë Salomón ets yëˈë tëjkë anaˈambë ja myäänk Rehoboam. Ta ja Jeroboán wyinmääy ko kyaj nety wiˈix nyekyyajtunäˈäny, ta jyëmbijty Israel.

Ta ja mëjjäˈäytyëjk diˈib Israel tˈanmääytyë Rehoboam: “Pën oy tsuj xykyuentˈatyë nax käjpn, ta kyaj mastuˈudëdët”. Per ja ënäˈktëjk diˈibë nety mëët nyaymyayëtyë Rehoboam, ta yˈanmääyëdë: “Kyaj xypyaˈˈayowëdë nax käjpn, yajtundë mëk”. Rehoboam myëmëdoow ja myëtnaymyaayëbëty ets niˈigyë ttëytyuuny ja nax käjpn. Pääty ja jäˈäy kyujuundaktë ets tpëjtaktë Jeroboán parë tˈanaˈamët ja mäjkpë tëëm ääts. Tyäˈädë mäjkpë tëëm ääts ja ojts yajtijy, ja anaˈamdakn diˈib Israel. Ets ja majtskpë ja ojts yajtijy, ja anaˈamdakn diˈib Judá, ets yëˈë diˈibë Rehoboam ojts tmëwëˈëmë. Duˈunën ojts nyaywyaˈkxyëty ja mäjmajtskpë tëëm ääts diˈib Israel.

Rehoboam yëˈë yˈanaˈamë Jerusalén käjpn. Jeroboán kyaj ttsojky ets ja nax käjpn nyëjkxtët Jerusalén parë jam tˈawdattëdë Jyobaa. ¿Mnijäˈäwëp tiko? Yëˈko Jeroboán tsëˈkëbë nety ko kyaj pën nyekymyëmëdowëdët ets ko yëˈëyë yajmëmëdowëdë Rehoboam. Pääty ojts dyaˈoyë majtskë tsäjpkäämaxuˈunk diˈib oorë ets tˈanmääy ja nax käjpn: “Jerusalén jantsy jagam. Nik oy ko mwëˈëmdët ets xyˈawdattëdë tyäˈädë tsäjpkäämaxuˈunk”. Ta duˈun ttuundë ets ta jatëgok tjäˈäytyëgooytyë Jyobaa.