¿Wiˈixë Dios ojts ttuknibëjktäägë jyukyˈattëdë naxwinyëdë jäˈäy?

Mä Biiblyë jyënaˈany ko naxwinyëdë jäˈäy ‘waanë jyukyˈaty ets [...] jeˈeyë amay jotmay tmëdaty’ (Job 14:1, TY). Per ¿duˈunëdaa Dios ojts ttuknibëjktäägë njukyˈäjtëm extëm tyam jaa njäjt ngëbajtëm? Pën kyaj dyuˈunëty, ¿wiˈixën ojts tjatsoky njukyˈäjtëm? ¿Waˈandaa näˈä nëjkx njukyˈäjtëm extëm yëˈë ojts tjatuknibëjktäägë? Min nˈokˈijxëm wiˈixë Biiblyë tnimaytyaˈaky.

1. ¿Mëdiˈibë jukyˈäjtënë Dios xytyukmëtsojkëm?

Jyobaa yëˈë ojts xyjatukmëtsojkëm ets oy njukyˈäjtëm. Ko ojts dyajkojy ja tim jawyiimbë naxwinyëdë jäˈäy, Adán mëdë Eva, jam tpëjktaky mä tuˈugë lugäärë jantsy tsujpë, mëdiˈibë xyëwˈäjt: Edén. Jamë Dios ojts kyunuˈkxëdë ets yˈanmääyëdë: “Mëëtˈattë ënet mˈuˈunk mˈënäˈkëty yajwinduktë yëˈë naxwinyëdë ets xyˈënaˈamdëty” (Génesis 1:28, MNM). Jyobaa yëˈë nety tsyojkypy etsë Adán mëdë Eva tmëdattëdë yˈuˈunk yˈënäˈk, dyajjëmbittëdë yäˈädë Naxwinyëdë jantsy oy jantsy tsuj ets tkuentëˈattët ja jëyujk animal. Tsyojk nanduˈun ets niˈamukë naxwinyëdë jäˈäy yajpäättët oy mëk ets jyukyˈattët winë xëëw.

Per oy tyam duˈun ngajukyˈäjtëm extëmë Dios ojts tjatuknibëjktäägë,a yëˈë kyaj wyinmääytyëgäjtsy (Isaías 46:10, 11). Duˈunyëm ttukmëtsoky ja naxwinyëdë jäˈäy mëdiˈibë mëmëdoowëp ets jyukyˈattët agujk jotkujk winë xëëw winë tiempë (käjpxë Diˈibʉ Jatanʉp o Apocalipsis 21:3, 4).

2. ¿Wiˈix mbäät njukyˈäjtëm agujk jotkujk ets kyaj nnayjyäˈäwëm awäˈäts tukwäˈäts?

Naxwinyëdë jäˈäy duˈunë Dios ojts yajkojëdë parë tˈixyˈatäˈändët ets tˈawdatäˈändët (käjpxë Mateo 5:3-6, TNM). Dios tsyojkypy ets jantsy oy mëët nˈijtëm, nˈyeˈeyëm ja nyëˈë tyuˈu, ntsojkëm ets nmëduˈunëm amumduˈukjot (Deuteronomio 10:12; Salmo 25:14). Ko duˈun nduˈunëm, yëˈëjën xyajnayjyäˈäwëm agujk jotkujk oy nwinguwäˈkëm ja amay jotmay. Pën nmëduˈunëmë Jyobaa ets nˈawdäjtëm, ta kyaj nnayjyawëyäˈänëm awäˈäts tukwäˈäts, niˈigyën nnayjyawëyäˈänëm agujk jotkujk mët ko njukyˈäjtëm extëmë yëˈë ttsoky.

3. Jyobaa tsyojkypy etsë naxwinyëdë jäˈäy jyukyˈattët agujk jotkujk

Ixtë BIDEO ets nimaytyäˈäktë mëdiˈibë yä yajtëëpy:

BIDEO: ¿Tiko Dios ojts dyajkojˈyë Naxwinyëdë? (jeˈeyë tuk pëky yaˈixy) (1:41)

• ¿Tiko Dios jantsy oy jantsy tsuj ojts dyajkojˈyë yäˈädë Naxwinyëdë?

Käjpxtë Eclesiastés 3:11 ets nimaytyäˈäktë mëdiˈibë yä yajtëëpy:

• Extëm yä jyënaˈany, ¿wiˈixë Jyobaa ojts tjatuknibëjktäägë etsë naxwinyëdë jäˈäy jyukyˈattët?

4. Jyobaa yaˈˈadëwaampy mëdiˈibë ojts ttuknibëjktäägë

Käjpxtë Salmo 37:11, 29 mëdë Isaías 55:11, ets nimaytyäˈäktë mëdiˈibë yä yajtëëpy:

• ¿Wiˈix nnijäˈäwëm ko Jyobaa yajjukyˈataambyë naxwinyëdë jäˈäy extëm ojts ttuknibëjktäägë?

5. Ko nmëduˈunëmë Jyobaa yëˈëjën xymyoˈoyëm ja agujkˈäjt jotkujkˈäjtën

BIDEO: Ojtsëts njaygyukë tiko të nmiˈinëm jukyˈäjtpë yä naxwiiny (5:03)

• ¿Wiˈixë Terumi ojts pyudëkëty ko tnijäˈäwë tiko të myiny jukyˈäjtpë yä naxwiiny?

Käjpxtë Eclesiastés 12:13 ets nimaytyäˈäktë mëdiˈibë yä yajtëëpy:

• Ko nbawinmäˈäyëm tukëˈëyë mëdiˈibë Jyobaa të xytyukmëduˈunëm, ¿wiˈix mbäät nyajnigëxëˈkëm ko nmëjjäˈäwëm?

TI TË NJÄJTËM

Jyobaa xytyukmëtsojkëm ets njukyˈäjtëm agujk jotkujk xëmëkyëjxm yä Naxwiiny. Ko nmëduˈunëmë Jyobaa winë ääw winë jot, ta njukyˈäjtëm agujk jotkujk ets kyaj nnayjyäˈäwëm awäˈäts tukwäˈäts.

Ajamyatsë

• Ko Jyobaa ojts dyajkojˈyë Adán mëdë Eva, ¿wiˈix ojts ttuknibëjktäägë jyukyˈattët?

• ¿Wiˈix nnijäˈäwëm ko Jyobaa yajjukyˈataambyë naxwinyëdë jäˈäy extëm ojts ttuknibëjktäägë?

• ¿Ti mbudëkëyanëp parë mjukyˈatët agujk jotkujk ets kyaj mnayjyawëdët awäˈäts tukwäˈäts?

AK PAYEˈEY

Nijawë tiko nˈijtëm seguurë ko jantsy tamˈäjt ja lugäär mëdiˈibë xyëwˈäjt Edén.

“¿Jantsy jamˈäjt ja lugäär mëdiˈibë xyëwˈäjt Edén?” (Diˈib Xytyukˈawäˈänëm, 1 äämbë eneerë 2011)

Nijawë tiko mbäät nˈijtëm seguurë ko yäˈädë Naxwinyëdë ninäˈä kyakutëgoyaˈany.

“¿Kutëgoyäämbë yäˈädë Naxwinyëdë?” (Myiny mä jw.org)

Ix wiˈixë Biiblyë tnimaytyaˈaky tiko të nmiˈinëm yä naxwiiny ets ti mbäät nduˈunëm parë nˈijtëm jotkujk.

“¿Tiko të nmiˈinëm jukyˈäjtpë yä naxwiiny?” (Myiny mä jw.org)

Ix wiˈix tuˈugë yetyëjk mëdiˈibë nety kyaj tii tyëgoyˈäjtxëty, tpëjkyë kuentë ko kyaj nety jotkujk tyimˈyajpääty.

Tyam tëts nbääty ja jotkujkˈäjtën (3:55)