Nˈokkäjpxwäˈkxëm ja oybyë ayuk

1. Jyobaa yˈAnaˈam Kyutujkën jeky ojts yˈity kuyuˈutsy,

per ta ojts xytyuknijäˈäwëm këˈëm tijaty tyunaampy.

Jyobaa jantsy paˈˈayoop ets tsojkp mëjwiin kajaa,

pääty yëˈë ojts xyjuuybyëtsëˈëmëm mä ja poky kaytyey.

Ets nan wyandak ko yëˈë Jesus diˈib Rey tunäämp

mä ja yˈAnaˈam Kyutujkën

diˈibë itäämp tsäjpotm.

Jyobaa nan të twinˈixyë jäˈäy diˈib yä naxwiiny

ets yëˈëty nanduˈun tyunäˈändë rey mët ja Jesus.

2. Oy ko ngäjpxwäˈkxëm tyam ja Diosë yˈääw yˈayuk

mäjatyë jäˈäy yajpäättë mä tukëˈëyë käjpn.

Tyam tuˈugyë nduˈunëm mët ja Diosë yˈanklëstëjk,

xypyudëjkëm parë nbatëm diˈib yˈëxtaabyë Dios.

Ëtsäjtëm xypyatëm nduˈunëm tyamë tyäˈädë tuunk,

duˈun mëj nyajnäjxëm ets

nyajwatsëmë Diosë xyëëw.

Yajtukjotëgoyäämbë tyäˈädë Diosë tyuunk,

pääty nˈokkäjpxwäˈkxëm tyam ja oybyë ääw ayuk.