ËY 136
Waˈanë Jyobaa mgunuˈkxyëty
(Rut 2:12)
1. Jotkujk xyyajnayjäˈäwëm ko tyamë Jyobaa
nmëduˈunëm aduˈuk winë jot.
Jyobaa pyëjkypyë kuentë ko nˈyojxëm nanduˈun
ja tiempë ets ja jot mëjääw.
Pën të xymyastuˈuty ja mjiiky mëguˈuk o mjëën mdëjk,
Jyobaa mgunuˈkxanëp kajaa.
Ets nëjkxëp mjukyˈaty winë xëëw ets nanduˈun
nëjkx xypyaaty diˈibë tyam myajtëgoopy.
(DIˈIB YAˈËËWËMBIJTP)
Waˈanë Dios dyajjëmbity diˈibë të xytyuny.
Waˈan yëˈë mgumayëty mët ko kyaj xymyastuˈuty.
Ets mbäät xyˈaˈoogë jap kyaknbatkëˈëy.
Jyobaa mguentˈatanëp ko xëmë xymyëduny.
2. Näˈäty tsip nimëjääw ja jukyˈäjtënë nyaxy,
pes jeˈeyë jyaˈˈatyë jotmay.
Ets kyaj nˈagujkˈäjt njotkujkˈäjtëm naxwiiny,
pes jeˈeyë moˈon tujkën jyaˈˈaty.
Pën ja mjotmaytyunyëty tijaty o mmony mduky,
Dios nëjkxëp dyajkujkë mˈääw mjot.
Ets nan yajtunaambyë myëjääw parë yëˈë
mbudëkëdët mët ja yˈAyuk.
(DIˈIB YAˈËËWËMBIJTP)
Waˈanë Dios dyajjëmbity diˈibë të xytyuny.
Waˈan yëˈë mgumayëty mët ko kyaj xymyastuˈuty.
Ets mbäät xyˈaˈoogë jap kyaknbatkëˈëy.
Jyobaa mguentˈatanëp ko xëmë xymyëduny.
(Käjpx nanduˈunë Juec. 11:38-40; Is. 41:10).