Ix wiˈix mbäät nˈëxpëjkëm

Tijaty mbäät ttundë ënäˈkuˈunk

Tääk teety, yëˈë patëdëp ets ttukniˈˈixëdët ja yˈuˈunk yˈënäˈkë Jyobaa nyëˈë tyuˈu (Éfes. 6:4). Parë xypyudëkëdët ja mˈuˈunk mˈënäˈk, mbäät xyajtundë tijaty yajpëtsëëmbyë Diosë kyäjpn. ¿Wiˈix mbäät mnaytyukpudëkëdë?

• Ëxtäˈäy ja informasion. Mä jw.org tap myiindäˈäy tijatyë Diosë kyäjpn të dyajpëtsëmy, duˈun parë ënäˈkuˈungëty etsë ënäˈktëjkëty, extëmë bideo ets tijaty mbäät ttundë o ttukjayëdë.a Tëkë mä jyënaˈany “Tijatyë Biiblyë tukniˈˈijxëp”, ta net “Ënäˈkuˈunk” o “Ënäˈktëjk”.

• Ix mëdiˈibë mbäät pyudëkëty. Ko mdëkët mä jyënaˈany “Ënäˈkuˈunk”, mbäädë net xywyinˈixy ti mbäät ja mˈënäˈkuˈunk pyudëkëty.

• Nimaytyäˈäk mët ja mˈuˈunk mˈënäˈk. Ko xytyukˈixtët ja bideo o jam tijaty xytyuktundët, oy ko mëët xynyimaytyäˈäktët ets xypyudëkëdët parë nyaymyayëdët mëdë Jyobaa. Kyajën jeˈeyë nanëgoobë xytyukˈixtët.