Yajnigëxëˈëk ko mmëjjäˈäwëp ti Jyobaa mëdë Jesus të mdukmëdunyëty

¿Wiˈix mnayjyawëty ko tuˈugë mëtnaymyaayëbë mnamoˈoyëty tii? Seguurë ko jantsy jotkujk mnayjyawëty ets mdukˈixaampy ja mëtnaymyaayëbë ko mmëjjäˈäwëp ti të mnamoˈoyëty. Jyobaa mëdë Jesus të dyaktë tuˈugë regalë mëdiˈibë mëjwiin kajaa tsobatp: ko ojts tjuuybyëtsëmdë naxwinyëdë jäˈäy. ¿Wiˈix mbäät nyajnigëxëˈkëm ko nmëjjäˈäwëm?

1. ¿Wiˈix mbäät nmëjjäˈäwëm ti Jyobaa mëdë Jesus ojts xytyukmëduˈunëm?

Biiblyë wyandakypy ko “pënaty myëbëjktëp” ja Jesus jukyˈattëp winë xëëw winë tiempë (Fwank 3:16). ¿Wiˈix nyajnigëxëˈkëm ko nmëbëjkëmë Jesus? Kyaj mbäät jeˈeyë njënäˈänëm ko nmëbëjkëmë Jesus, tsojkëbën nanduˈun nyajnigëxëˈkëm mä wiˈix njukyˈäjtëm ets wiˈix tijaty nduˈunëm (Santya̱ˈa̱gʉ 2:17). Ko duˈun ja mëbëjkën nyajnigëxëˈkëm, ta niˈigyë nmëwingoˈonëmë Jesus ets nanduˈunë Tyeety, Jyobaa Dios (käjpxë Fwank 14:21).

2. ¿Näˈä mbäät nyajnigëxëˈkëm ko nmëjjäˈäwëm ti Jyobaa mëdë Jesus ojts xytyukmëduˈunëm?

Ja koots mä netyë Jesus yajmatsanë, ojts tnigajpxy wiˈix mbäät ja tuk pëky nmëjjäˈäwëm ko ojts xyjuuybyëtsëˈëmëm. Ojts tniˈanaˈamë ets yajtunët mëdiˈibë Biiblyë tyijpy ja nWintsënˈäjtëmë yˈAˈux, mëdiˈibë tyam yajtuump ko yajjamyetsyë Jesusë yˈoˈkën xëëw (1 Korintʉ 11:20). ¿Tiko Jesus dyajnaxkëdakyë yäˈädë aˈux? Yëˈë nety tsyojkypy ets ja yˈapostëlëtëjk ets niˈamukë pënaty panëjkxanëdëp tjamyatstët ko yëˈë ojts tkuˈoogë naxwinyëdë jäˈäy. Jesus duˈun ojts tniˈanaˈamë: “Tundë dëˈën esëts xyjamyatstët” (Lukʉs 22:19). Pääty ko mnëjkxët mä yajjamyetsyë Jesusë yˈoˈkën xëëw, yëˈë nety myajtsobatypy ko Jyobaa mëdë Jesus ojts xytsyojkëm.

AK NIJAWË NIˈIGYË

3. ¿Wiˈix mbäät nyajnigëxëˈkëm ko nmëjjäˈäwëm?

Okpawinmay ko tap mnëëjiˈkxnë, per ta tuˈugë jäˈäy mniminyëty ets mjuutyëty. ¿Mjäˈäytyëgoyëp ti yäˈädë jäˈäy të mdukmëdunyëty? ¿O mguˈëw mgukäjpxëp ets mdukˈixëp ko mmëjjäˈäwëp ti të ttuny?

Nanduˈunënë Jyobaa të xyaˈˈawäˈätspëtsëˈëmëm ets të xymyoˈoyëm ja jukyˈäjtën. Käjpxtë 1 Fwank 4:8-10 ets nimaytyäˈäktë mëdiˈibë yä yajtëëpy:

• ¿Tiko mëjwiin kajaa nyajtsobatëm mëdiˈibë Jesus të xytyukmëduˈunëm?

• Ko xywyinmay ti Jyobaa të mdukmëdunyëty mëdë Jesus, ¿wiˈix myajnayjyawëty?

¿Wiˈix mbäät nyajnigëxëˈkëm ko nmëjjäˈäwëm ti Jyobaa mëdë Jesus të xytyukmëduˈunëm? Käjpxtë 2 Korintʉ 5:15 ets nanduˈunë 1 Fwank 4:11 etsë 5:3. Ko xykyäjpxtäˈäytyët tuˈuk tuˈugë yäˈädë tekstë, ta net xynyimaytyäˈäktët mëdiˈibë yä yajtëëpy:

• ¿Ti mbäät nduˈunëm parë nyajnigëxëˈkëm ko nmëjjäˈäwëm ti Jyobaa mëdë Jesus të xytyukmëduˈunëm?

4. Ko nbanëjkxëmë Jesusë yˈijxpajtën

Ja tuk pëky wiˈix mbäät nmëjjäˈäwëm ko Jesus të xyjyuuybyëtsëˈëmëm, yëˈë ko nbanëjkxëmë yˈijxpajtën. Käjpxtë 1 Peedrʉ 2:21 ets nimaytyäˈäktë mëdiˈibë yä yajtëëpy:

• ¿Wixaty mbäät xypyanëjkxë Jesusë yˈijxpajtën?

5. Ko njamyajtsëmë Jesusë yˈoˈkën xëëw

Parë xynyijawët wiˈix yajtuuny ja nWintsënˈäjtëmë yˈAˈux, käjpxtë Lukʉs 22:14, 19, 20. Ta net xynyimaytyäˈäktët mëdiˈibë yä yajtëëpy:

• ¿Wiˈix yajtuuny ja nWintsënˈäjtëmë yˈAˈux?

• ¿Wiˈix nyikejy ja tsäjpkaaky ets ja binë? (Ixtë bersikulo 19 etsë 20).

Jesus ojts tniˈanaˈamë ets yajjamyatsët ja yˈoˈkën xëëw winjëmëjt. Päätyë Jyobaa tyestiigëty jëmëjt jëmëjt duˈun ttundë extëm yëˈë ojts tniˈanaˈamë. Parë xynyijawët wiˈix ttundë, ixtë BIDEO. Ta net xynyimaytyäˈäktët mëdiˈibë yä yajtëëpy:

BIDEO: Nˈokjamyajtsëmë Jesusë yˈoˈkën xëë (1:42)

• ¿Wiˈix yajjamyetsyë Jesusë yˈoˈkën xëëw?

¿Wiˈix nyikejˈyë tsäjpkaaky etsë binë? Tsäjpkaaky yëˈë yˈandijpy ja Jesusë nyiniˈkx kyëbäjk mëdiˈibë yäjk extëmë wintsëˈkën, etsë binë yëˈë yˈandijpy ja nyëë nyeˈpyny.

TI TË NJÄJTËM

Nmëjjäˈäwëmë nety ti Jesus të xytyukmëduˈunëm ko nmëbëjkëm ets ko njamyajtsëmë yˈoˈkën xëëw.

Ajamyatsë

• ¿Wiˈix tuˈugë jäˈäy dyajnigëxëˈëky ko myëbëjkypyë Jesus?

• ¿Mdukˈixaambyë Jyobaa mëdë Jesus ko mmëjjäˈäwëp ti të mdukmëdunyëty? ¿Wiˈix xyajnigëxëˈëgäˈäny?

• ¿Tiko jyëjpˈamëty nëjkxëm mä yajjamyetsyë Jesusë yˈoˈkën xëëw?

AK PAYEˈEY

¿Ti net ndunäˈänëm ko Jesus ojts xykyuˈoˈkëm? Ixë bideo.

Jesus yajtuun ja nyiniˈkx kyëbäjk parë dyajmëjpëtsëëmyë Jyobaa (9:28)

Ak nijawë tidën yˈandijpy mëbëjkën ets wiˈix mbäät nyajnigëxëˈkëm.

“Nˈokmëbëjkëm tijatyë Jyobaa wyandakypy” (Diˈib Xytyukˈawäˈänëm, oktuubrë 2016)

Käjpx mä jyënaˈany: “Tyam oyëts nnayjyawëty, wäˈäts ets agujk jotkujk”, mä yajnimaytyaˈaky wiˈix tuˈugë toxytyëjk dyajtëgäjtsyë jyukyˈäjtënë ko tnijäˈäwë wiˈix ndukˈoyˈäjtëm ko Jesus ojts xykyuˈoˈkëm.

“Biblia yëˈë yajtëgäjtsëdë jyukyˈäjtën” (Myiny mä Diˈib Xytyukˈawäˈänëm)

Nijawë tiko kyaj niˈamukë tkaytyë ja tsäjpkaaky ets tˈuuktë binë mä yajjamyetsyë Jesus yˈoˈkën xëëw.

“¿Tiko Jyobaa tyestiigëty kyaj duˈun tjamyatstë Jesusë yˈoˈkën xëëw extëmë wiinkpë relijyonk?” (Myiny mä jw.org)