LEKSION 12
¿Ti mbudëkëyanëp parë xyˈëxpëjkˈadëˈëtsëdë Biiblyë?
Ko nˈëxpëjkëmë Biiblyë yajtukˈoyˈäjtp mëjwiin kajaa, per tsiptakp nanduˈun. Ets näˈäty mbäät mnayajtëyëty pën mˈakˈëxpëjkˈadëˈëtsëp. ¿Per tiko yˈoyëty duˈunyëm xytyunëdë mëjääw ets mˈëxpëjkˈadëˈëtsët? ¿Ti mbudëkëyanëp parë kyaj xymyastuˈudët oy xypyäädëdë amay jotmay?
1. ¿Wiˈix xytyukˈoyˈatäˈäny ko xyˈëxpëjkˈadëˈëtsëdë Biiblyë?
‘Ja Dios ja yˈääw yˈayuk myëdäjtypy ja jukyˈäjtën ets ja mëkˈäjtën’ (Hebreos 4:12, TY). Mëjwiin kajaa tsyobäätyë Biiblyë, pes jap myiny kujayë wiˈixë Dios wyinmay ets mä tnigajpxy ko mtsojkëp. Ko xyˈëxpëkëdë Biiblyë kyaj jeˈeyë mbudëkëyaˈanyëty parë tijaty xynyijawët, nanduˈunën mnëˈëmoˈoyaˈany mduˈumoˈoyaˈanyëty mä mjukyˈäjtën ets xyˈëwxit xyjëjpˈixët ja jotkujkˈäjtën mëdiˈibë miimp këdakp. Per mëdiˈibë mas oy, yëˈë ko mbudëkëyanëp parë mëdë Jyobaa mnaymyaaybyëkëdët. Ko xyˈëxpëkëdë Biiblyë, ta agujk jotkujk mjukyˈatäˈäny.
2. ¿Tiko jyëjpˈamëty ets xyajtsobäädët ja tëyˈäjtën mëdiˈibë miimp mä Biiblyë?
Ja tëyˈäjtën mëdiˈibë miimp mä Biiblyë duˈun tsyobääty extëmë oorë platë. Pääty xyˈanmäˈäyëm: “Juy ja tëyˈäjtënë ets ninäˈä xykyatoogët” (Proverbios 23:23). Pën nyaˈijtëm winmäˈänyoty nuˈunën tsyobääty ja tëyˈäjtën mëdiˈibë yajpatp mä Biiblyë, ta ndunäˈänëmë mëjääw parë duˈunyëm nˈëxpëjkˈadëtsëm oy nbatëmë amay jotmay (käjpxë Proverbios 2:4, 5).
3. ¿Wiˈixë Jyobaa mbudëkëyaˈanyëty parë duˈunyëm mˈëxpëjkˈadëˈëtsët?
Jyobaa mbudëkëyanëp parë xyˈixyˈäjtˈadëˈëtsët mët ko yëˈë mmëtnaymyaayëbëˈäjtëp ets ti kamääyëp. Yëˈë mbäät mmoˈoyëty “ja tsojkën ets ja jot mëjääw” parë xytyunët (käjpxë Filipenses 2:13, TNM). Pääty, pën ja näˈä xyjyawë ko kyaj nëgoo xymyëdatyë tsojkën parë mˈëxpëkäˈäny ets mtsiptakxëp xykyuytyunët tijaty mjäjtypy, Dios yëˈë mbudëkëyanëp. Yëˈë nanduˈun mmëjääwmoˈoyanëp pën jam ti jotmay xywyinguwäˈägë o myajtukmëtsipˈaty ja ëxpëjkën. Mmënuˈkxtäˈägë Jyobaa tuˈuk tuˈugë xëëw parë mbudëkëdët ets xyˈëxpëjkˈadëˈëtsëdë Biiblyë (1 Tesalónikʉ 5:17).
AK NIJAWË NIˈIGYË
Min nˈokˈijxëm ti mbäät mbudëkëty parë duˈunyëm xyˈëxpëkëdë Biiblyë oy pën mdukmëtsipˈatëdët ets oy nëgoo tiempë xykyamëdatët, ets wiˈixë Jyobaa mbudëkëyaˈanyëty parë kyaj mˈëxtëkëwäˈägët.
4. Pëjktäˈäk jëjpˈam ko xyˈëxpëkyë Biiblyë
Näˈäty, mjawëyaampy ko nëgooyë mduunknë ets ko kyaj tiempë xymyëdaty parë xyˈëxpëkëdë Biiblyë. ¿Ti mbäät mbudëkëty? Käjpxtë Filipenses 1:10, TNM ets nimaytyäˈäktë mëdiˈibë yä yajtëëpy:
Ets mijts, ¿“tijaty mas jëjpˈam” mbëjktakypy?
¿Wiˈix mbäät xyajnigëxëˈëky ko jëjpˈam xypyëjktaˈagyë yäˈädë ëxpëjkën?
Pën jawyiin xyˈagoˈowë puˈu mä tuˈugë abëjkën ets ok xyˈagonë tsää, kyaj tyëjkëtyaˈayaˈany.
Per pën jawyiin xyˈagonë ja tsää ets ok xytyukukoˈoy ja puˈu, ta tyëjkëtyaˈayaˈany. Nanduˈun jyaty ko yëˈë jawyiin xytyunët “tijaty mas jëjpˈam” yajtunäämp, mbäät okë tiempë xymyëdaty parë tijaty xyˈaktuundäˈäyët.
Nyajtëgoyˈäjtëmë Dios, pääty ko nˈëxpëjkëmë Biiblyë, ta nˈixyˈäjtëm ets mbäät nˈawdäjtëm. Käjpxtë Mateo 5:3, TNM ets nimaytyäˈäktë mëdiˈibë yä yajtëëpy:
¿Wiˈix xytyukˈoyˈatäˈäny ko jëjpˈam xypyëjktäˈägët mä xyˈëxpëkyë Biiblyë?
5. Këdii mˈëxtëkëwaˈaky oy myajtukmëtsipˈatët
Näˈäty, mbäät pën mëktaˈaky mˈanëˈëmxëty ets kyaj xyˈokˈëxpëjknëdë Biiblyë. Francesco yˈijxpajtën mbäät mbudëkëty. Ixtë BIDEO ets nimaytyäˈäktë mëdiˈibë yä yajtëëpy:
¿Ti tyuunë Francesco tyääk etsë myëtnaymyaayëbëty ko ttukmëtmaytyaky tijatyë nety yˈëxpëjkypy?
¿Wiˈixë Francesco ojts yajkunuˈkxy ko kyaj yˈëxtëkëwaˈky?
Käjpxtë 2 Timotee 2:24, 25 ets nimaytyäˈäktë mëdiˈibë yä yajtëëpy:
¿Wiˈix jyënäˈändë mjëëky mëguˈuk o mëtnaymyaayëbëty ko xyˈëxpëkyë Biiblyë?
Extëm të ngäjpxëm mä yäˈädë tekstë, ¿ti mbäät xytyuny ko pën mgatukmëtsokëdët? ¿Ets tiko duˈun mˈatsoy?
6. It seguurë ko Jyobaa mbudëkëyanëp
Ko mas niˈigyë nmëwingoˈonëmë Dios, ta niˈigyë jyënäˈänäˈäny ja ääw jot ko ndunäˈänëm mëdiˈibë kyupëjkypy. Per mbäät xytsyiptakxëm nyajtëgäjtsëmë jukyˈäjtën extëm yëˈë tniˈanaˈamë. Pën ja näˈä mtsiptakxëty, këdii mˈëxtëkëwaˈaky, Jyobaa mbudëkëyanëp. Ixtë BIDEO ets nimaytyäˈäktë mëdiˈibë yä yajtëëpy:
Extëm të xyˈixy mä bideo, ¿wiˈixë Jim dyajtëgäjtsyë jyukyˈäjtën parë Jyobaa kyupëkëdët?
¿Ti niˈigyë myajmonyˈijx myajmonyjyäˈäwëp wiˈix nyayajtëgäjtsë Jim?
Käjpxtë Hebreos 11:6, TNM ets nimaytyäˈäktë mëdiˈibë yä yajtëëpy:
¿Ti Jyobaa tyukmëdunaampy pënaty “amumduˈukjot ëxtääyëp” ets tyunandëp tijaty yëˈë kyupëjkypy?
Ko xytyunyë mëjääw parë xyˈëxpëkyë Biiblyë, ¿wiˈixëdaa Jyobaa nyayjyawëty?
MBÄÄT NÄÄGË JÄˈÄY MYAJTËYËTY: “¿Tiko xyˈëxpëkyë Biiblyë?”.
¿Wiˈix xyˈatsowët?
TI TË NJÄJTËM
Mbäät mtsiptakxëty xyˈëxpëkëdë Biiblyë, per mbudëkëyanëp parë mjukyˈatët agujk jotkujk winë xëëw winë tiempë. Etsë Jyobaa mgunuˈkxanëp pën xëmë xytyukˈijxpety.
Ajamyatsë
¿Tiko xyajtsobääty ja tëyˈäjtën mëdiˈibë miimp mä Biiblyë?
¿Wiˈix mbäät xyajnigëxëˈëky ko mëdiˈibë mas jëjpˈam mbëjktakypy yëˈë ko xyˈëxpëkyë Biiblyë?
¿Tiko mbäät xyˈamdoyë Jyobaa ets mbudëkëdët parë xyˈëxpëjkˈadëˈëtsëdë Biiblyë?
AK PAYEˈEY
Ix taxk pëky ti mayë jäˈäy të pyudëkëdë parë yajxon dyajtundë tiempë.
“Wiˈix xyajtunët yajxonë mdiempë” (¡Despertad!, febreerë 2014)
Tuˈugë toxytyëjk yajjotkujkˈataambyë netyë Jyobaa, per ja myëmëjjäˈäy kyaj nety tjaygyukë. Ix wiˈixë Jyobaa pyudëjkë.
Jyobaa xymyëjääwmoˈoyëm parë nmëmadakëm ja tsëmy këˈëy (5:05)
Ix wiˈix tuˈugë toxytyëjk tpudëjkë myëmëjjäˈäy ko duˈunyëm yˈëxpëjkˈadëtsy.
Jyobaa tyestiigëty yajniwäämbajttëp näˈäty ko dyajnaywyäˈkxëdë familyë. ¿Per tëyˈäjtën?
“¿Yajnaywyäˈkxëdëbë Jyobaa tyestiigëtyë familyë o niˈigyë dyajtuˈugyëdë?” (Myiny mä jw.org)