¿Pënën Dios?

Desde ko ojts jyukyˈäjttsondäˈäktë naxwinyëdë jäˈäy, ta tˈawdäjttsondaktë kanäägë dios. Perë Biiblyë myaytyakypy tuˈugë Dios “mëdiˈibë niˈigyë myëjjëty këdiinëm ja wiinkpë diosëty” (2 Crónicas 2:5). ¿Pënënë tyääbë Dios? ¿Ets tidën mëj yajnäjxëp këdiinëm ja wiinkpë diosëty mëdiˈibë yˈawdäjttëbë naxwinyëdë jäˈäy? Mä yäˈädë leksion xynyijawëyaˈany ko Dios tsyojkypy ets mijts xyˈixyˈatët.

1. ¿Ti Dios txëwˈaty ets wiˈix nnijäˈäwëm ko tsyojkypy ndukmëgäjpxëmë xyëëw?

Mä Biiblyë duˈun japë Dios nyaygyäjpxtëˈkxyëty: “Ëjtsën Jyobaa. Duˈuntsën nxëwˈaty” (käjpxë Isaías 42:5, 8). Jyobaa xyëëw tsyoony mä ayuk ebreo, ets mayë ëxpëkyjyaˈay jyënäˈändë ko ja nyiwijy nyikejy, “Yëˈë mbäät tijaty dyajtuny dyajjatyëty”. Jyobaa tsyojkypy ets nnijäˈäwëmë xyëëw (Éxodo 3:15). ¿Tiko duˈun njënäˈänëm? Jaˈko ojts dyajkujayëty mä Biiblyë naxy 7,000 ok.a Ja Diosë tëyˈäjtënbë txëwˈaty Jyobaa, yëˈë mëdiˈibë “Diosˈäjtp oy jyamëty tsäjpotm ets yää naxwiiny” (Deuteronomio 4:39, MNM).

2. ¿Wiˈix mä Biiblyë yajnimaytyaˈagyë Jyobaa?

Biiblyë jyënaˈany ko mä tukëˈëyë dios mëdiˈibë yˈawdäjttëbë jäˈäy, ja Diosë tëyˈäjtënbë, yëˈë Jyobaa, ets taaˈäjtp kanäk pëky tiko duˈun njënäˈänëm. Jyobaa yëˈë mëdiˈibë myëdäjtaapy ja kutujkën ets mëdiˈibë ijtp “jantsy këjxm abëtsemy nyaxwinyëdë” (käjpxë Salmo 83:18). Yëˈë “diˈibë tëgekyë mëkˈäjtën myëdäjtypy”, yäˈädë yëˈë yˈandijpy ko mbäät ttuny ti tyim tunaampy. Yëˈë nanduˈun mëdiˈibë tijaty yajkojtääy, mëdiˈibë jamˈäjtp tsäjpotm ets tukëˈëyë mëdiˈibë jukyˈäjtp yä Naxwiiny (Diˈibʉ Jatanʉp o Apocalipsis 4:8, 11). Nituˈugë Dios duˈun kyajukyˈaty extëmë Jyobaa, pes tamyëm jyukyˈaty ets duˈunyëm jyukyˈatäˈäny winë xëëw (Salmo 90:2).

3. Wiˈixëmë Dios yajtijy, per jeˈeyë tuˈugë xyëëw

Parë nnijäˈäwëm wiˈix tyëgatsyëty ko tuˈugë jäˈäy ndukmëgäjpxëmë xyëëw ets ko jeˈeyë nmëgäjpxëm wiˈix yajtijy, ixtë BIDEO ets nimaytyäˈäktë mëdiˈibë yä yajtëëpy:

BIDEO: Wiˈixëm yajtijy, per tuˈuk jeˈeyë xyëëw (0:41)

• ¿Wiˈix tyëgatsyëty ko tuˈugë jäˈäy ndukmëgäjpxëmë xyëëw ets ko jeˈeyë nmëgäjpxëm wiˈix yajtijy?

Biiblyë jyënaˈany ko naxwinyëdë jäˈäy yˈawdäjttëp mayë dios, ets nanduˈun mëdiˈibë tyijtëp ndeetyˈäjtëm o nwintsënˈäjtëm. Käjpxtë Salmo 136:1-3 ets nimaytyäˈäktë mëdiˈibë yä yajtëëpy:

• ¿Pënën ja “Dios mëdiˈibë nyidiosˈäjtypy ja wiink diosëty” ets ja “Wintsën mëdiˈibë nyiwintsënˈäjtypy ja wintsënëty”?

4. Jyobaa tsyojkypy ets xynyijawët ti txëwˈaty ets xytyukmëgäjpxëdë xyëëw

BIDEO: ¿Myëdäjtypyë Diosë xyëëw? (jeˈeyë tuk pëky yaˈixy) (3:11)

• Wiˈix mˈokwinmay, ¿tidaa ko Jyobaa ttsoky ets yajnijawëdë xyëëw?

Jyobaa tsyojkypy ets ndukmëgäjpxëmë xyëëw. Käjpxtë Romanos 10:13, TNM ets nimaytyäˈäktë mëdiˈibë yä yajtëëpy:

• ¿Tiko jyëjpˈamëty ndukmëgäjpxëmë Diosë xyëëw, Jyobaa?

• ¿Wiˈix mijts mnayjyawëty ko pën mdukmëgajpxyëtyë mxëëw?

• ¿Ets wiˈixëdaa Jyobaa nyayjyawëty ko xytyukmëgajpxyë xyëëw?

5. Jyobaa tsyojkypy ets xymyëwingonët

BIDEO: Nˈëxtäˈäyëts ja Dios mëdiˈibë tëyˈäjtën (8:18)

• Extëm të xyˈixy mä bideo, ¿wiˈixë Soten pyudëjkë ko tnijäˈäwë Diosë xyëëw?

Parë mbäät naymyaˈaybyëjkëm mët tuˈugë jäˈäy, tsojkëp jawyiin nnijäˈäwëm ti txëwˈaty. Käjpxtë Santya̱ˈa̱gʉ 4:8a ets nimaytyäˈäktë mëdiˈibë yä yajtëëpy:

• ¿Ti Jyobaa tsyojkypy ets mijts xytyunët?

• Ko xynyijäˈäwë Diosë xyëëw ets xytyukmëgajpxy, ¿mbäädëdaa mbudëkëty parë xymyëwingonët? ¿Ets tiko duˈun mjënäˈäny?

TI TË NJÄJTËM

Ja Diosë tëyˈäjtënbë txëwˈaty Jyobaa. Yëˈë tsyojkypy ets nnijäˈäwëm ti txëwˈaty ets ndukmëgäjpxëmë xyëëw parë mbäät nmëwingoˈonëm.

Ajamyatsë

• ¿Wiˈix tyëgatsyëtyë Jyobaa mët ja diosëty mëdiˈibë jäˈäy yˈawdäjttëp?

• ¿Tiko yˈoyëty ndukmëgäjpxëmë Diosë xyëëw?

• ¿Naymyayanëbë Jyobaa mët mijts? ¿Ets wiˈix xynyijawë?

AK PAYEˈEY

Nijawë mëgoxk pëky tiko mbäät nˈijtëm seguurë ko jantsy tamë Dios.

“¿Jantsy jamënë Dios?” (Myiny mä jw.org)

Nijawë tiko mbäät njënäˈänëm ko Dios tamyëmë jyukyˈaty.

“¿Pënë Dios të yajkojˈyëty?” (Diˈib Xytyukˈawäˈänëm, 1 äämbë agostë 2014)

Nijawë tiko mbäädë Diosë xyëëw ndukmëgäjpxëm oy nganijäˈäwëm wiˈix ijty meerë yajkajpxy.

“¿Pënën Jyobaa?” (Myiny mä jw.org)

¿Kyajëdaa wiˈixëty ko Dios oy wiˈix ndijkojëm? Ix tiko njënäˈänëm ko Dios jeˈeyë tuˈugë xyëëw.

“¿Näägë Diosë xyëëw tmëdaty?” (Myiny mä jw.org)