LEKSION 18
¿Wiˈix mbäät nnijäˈäwëm pënaty jyantsy pyanëjkxtëbë Jesus?
Miyonkˈamë jäˈäy jyënäˈändë ko tmëbëktë Jesus, per wiˈixëm tijaty tmëbëktë ets wiˈixëm ja jyukyˈäjtën dyajnëjkxtë. Pääty, ¿wiˈix mbäät nnijäˈäwëm pënaty jyantsy pyanëjkxtëbë Jesus?
1. ¿Ti tyuundëp pënaty jyantsy pyanëjkxtëbë Jesus?
Pënatyë Jesus pyanëjkxypy o yˈëxpëjkpëˈäjtypy ja yajtijy kristianë (käjpxë Apostʉlʉty o Hechos 11:26). ¿Wiˈix dyajnigëxëˈëktë ko jyantsy pyanëjkxtëp? Jesus jyënany: “Pën mbadiimpy extëmts miits nˈanëëmëdë, nˈëxpëjkpëˈatëpts miitsëty” (Fwank 8:31). Yäˈädë yëˈë yˈandijpy ko pënaty jyantsy pyanëjkxtëbë Jesus, myëmëdoowdëp tijaty yëˈë tukniˈˈijxëp. Jesus jap dyajpëtsëëmy mä Diosë jyaaybyajtën tijaty tukniˈˈijxë, nanduˈun tyam ttundë pënaty jantsy panëjkxëdëp (käjpxë Lukʉs 24:27).
2. ¿Wiˈix dyajnigëxëˈëktë tsojkën pënaty jyantsy pyanëjkxtëbë Jesus?
Jesus duˈun ojts ttukˈaneˈemy ja yˈëxpëjkpëty: “Naytsyokëdë nixim niyam, extëmts ëj miits ntsoktë” (Fwank 15:12). ¿Wiˈixë Jesus ttukˈijxy ja yˈëxpëjkpëty ko tsyojktëp? Ko ojts dyajnibäädë parë mëët yajpattë, ko tpudëjkëdë, tmëjääwmooytyë ets axtë tkuˈoˈkëdë (1 Fwank 3:16). Nanduˈun ttundë pënaty jyantsy pyanëjkxtëbë Jesus, kyaj jeˈeyë jyënäˈändë ko tsyojktëp ja myëguˈuktëjk, yajnigëxëˈktëbë duˈun mët ja yˈääw yˈayuk ets mët tijaty tyuundëp.
3. ¿Ti tuunk jëjpˈam pyëjktaktëp pënaty jyantsy pyanëjkxtëbë Jesus?
Jesus tyuknipëjk ja yˈëxpëjkpëty ets tkäjpxwäˈkxtët “ja Diosë kyutujkën” (Lukʉs 9:2). Pënaty tim jawyiin ojts pyanëjkxëdë, kyaj jeˈeyë ojts kyäjpxwäˈkxtë mä nety të tyuˈukmuktë, nanduˈunën ojts tninëjkxtë jäˈäy mä jyëën tyëjk ets mäjaty yajpäättë (käjpxë Apostʉlʉty 5:42; 17:17). Nanduˈun tyam ttundë pënaty jyantsy pyanëjkxtëbë Jesus, tyukmëtmaytyaktëbë jäˈäy ja Diosë yˈayuk mä ttimypyäättë. Kom tsyojktëbë jyëëky myëguˈuk, ta dyajtundë xyëëw tiempë etsë jyot myëjääw parë ttukninëjkxtë ja oybyë ayuk mëdiˈibë mbäät yˈagujkmoˈoy jyotkujkmoˈoyëdë (Markʉs 12:31).
AK NIJAWË NIˈIGYË
Min nˈokˈijxëm ti tyuundëp pënaty jyantsy pyanëjkxtëbë Jesus mët pënaty kyaj tyukniˈˈixëdë extëm ttuunyë Jesus ets kyaj tpanëjkxtë ja ijxpajtën mëdiˈibë yäjk.
4. Pyayeˈeytyëp ja tëyˈäjtën mä Biiblyë
Pënaty tim jawyiin ojts tpanëjkxtë Jesus myëjpëjktaktë ja tëyˈäjtën mëdiˈibë miimp mä Biiblyë.
Näägë jäˈäy mëdiˈibë jënandëp ko myëbëjktëbë Jesus, kyaj tmëjpëjktäˈäktë ja tëyˈäjtën mëdiˈibë yajpatp mä Biiblyë. Ixtë BIDEO ets nimaytyäˈäktë mëdiˈibë yä yajtëëpy:
Ja relijyonk mëdiˈibë nety jënandëp ko tmëbëktë Jesus, ¿wiˈix ojts tëgatsy ja jäˈäy ttukniˈˈixëdë ja ëxpëjkën mëdiˈibë Jesus yäjk?
Jesus yëˈë tukniˈˈijxë ja tëyˈäjtënë mëdiˈibë yajpatp mä Diosë yˈAyuk. Käjpxtë Fwank 18:37 ets nimaytyäˈäktë mëdiˈibë yä yajtëëpy:
Extëm yä Jesus jyënany, ¿wiˈix mbäät nnijäˈäwëm pënatyën jyantsy tyukˈijtëdëp ja tëyˈäjtën?
5. Yˈëwäˈkx kyäjpxwäˈkxtëp ja tëyˈäjtën mëdiˈibë yajpatp mä Biiblyë
Pënaty tim jawyiin ojts tpanëjkxtë Jesus ëwäˈkx käjpxwäˈkxtë.
Mä Jesus kyapatëkënëm tsäjpotm, ta ttuknipëjky ja yˈëxpëjkpëty tuˈugë tuunk mëdiˈibë axtë tyambäät yajtuump. Käjpxtë Matewʉ 28:19, 20 etsë Apostʉlʉty 1:8, ets nimaytyäˈäktë mëdiˈibë yä yajtëëpy:
¿Axtë mäbäät yajkäjpxwäˈkxäˈäny ja oybyë ayuk ets axtë näˈä?
6. Kyuytyuundëp ti yˈëwäˈkx kyäjpxwäˈkxtëp
¿Tiko yˈijty seguurë Tom ko të nety tpääty pënaty jyantsy pyanëjkxtëbë Jesus? Ixtë BIDEO ets nimaytyäˈäktë mëdiˈibë yä yajtëëpy:
Extëm të xyˈixy mä bideo, ¿tiko Tom ttukjotmäˈtyë relijyonk?
¿Tiko Tom yˈijty seguurë ko të nety tpääty ja tëyˈäjtën?
Pënaty jyantsy pyanëjkxtëbë Jesus, yajnigëxëˈktëp mä jyukyˈäjtën. Käjpxtë Matewʉ 7:21 ets nimaytyäˈäktë mëdiˈibë yä yajtëëpy:
¿Ti niˈigyë Jesus yajtsobatypy: ko jeˈeyë nigäjpxëm tijaty nmëbëjkëm o ko nguytyuˈunëm?
7. Tsyojktëp ja myëguˈuktëjk
Pënaty tim jawyiin ojts tpanëjkxtë Jesus tsyojktë ja myëguˈuktëjk.
Pënaty jyantsy pyanëjkxtëbë Jesus, pyëjktaktëbë jyukyˈäjtënë oˈkën jëjpˈam mët ko ttsoktë myëguˈuktëjk. Ixtë BIDEO ets nimaytyäˈäktë mëdiˈibë yä yajtëëpy:
Extëm të xyˈixy mä bideo, ¿tiko ja nmëguˈukˈäjtëm Lloyd tkuˈoogëyany ja myëguˈuk Johansson?
¿Mjënäˈänëp ko yëˈë yajnigëxëˈk ko jyantsy pyanëjkxypyë Jesus?
Käjpxtë Fwank 13:34, 35 ets nimaytyäˈäktë mëdiˈibë yä yajtëëpy:
Pënaty jyantsy pyanëjkxtëbë Jesus, ¿wiˈixë nety tˈixäˈändë jäˈäy mëdiˈibë wiink nax wiink käjpn tsoˈondëp o mëdiˈibë yëk o weerë?
¿Ets wiˈixë nety dyajnigëxëˈëgäˈändë yäˈädë tsojkën mä tsip tyunyëty?
NÄÄGË JÄˈÄY JYËNÄˈÄNDË: “Oy mëdiˈibë relijyonk ndukˈijtëm, nëgoo ko nmëbëjkëmë Jesus”.
¿Mëdiˈibë tekstë mgäjpxëp parë xytyukˈixëdë jäˈäy pënatyën tyam jyantsy pyanëjkxtëbë Jesus?
TI TË NJÄJTËM
Pënaty jyantsy pyanëjkxtëbë Jesus, myëmëdoowdëp ja anaˈamën mëdiˈibë miimp mä Biiblyë, tsyojktëbë myëguˈuktëjk ets yˈëwäˈkx kyäjpxwäˈkxtëp ja tëyˈäjtënë mëdiˈibë yajpatp mä Biiblyë.
Ajamyatsë
Pënaty jyantsy pyanëjkxtëbë Jesus, ¿mä dyajpëtsëmdë tijaty tukniˈˈijxëdëp?
¿Wiˈix jyaˈayˈattë pënaty jyantsy pyanëjkxtëbë Jesus?
¿Ti tuunk tyam yajnëˈëyeˈey yajtuˈuyeˈeytyëp?
AK PAYEˈEY
Ixyˈat tuk grupë jäˈäy mëdiˈibë tyuundëbë mëjääw parë tpanëjkxëdë Jesusë yˈijxpajtën ets tijaty tukniˈˈijxë.
Nijawë wiˈix tuˈugë toxytyëjk mëdiˈibë nety të myäädrëˈaty tpaty tuˈugë relijyonk mä jäˈäy nyayjyawëdë tukjëëky tukmëguˈukpën.
“Yˈatsoowëmbijtääytyë mëdë Biiblyë tijatyëts nyajtëëw” (Myiny mä Diˈib Xytyukˈawäˈänëm)
Ix wiˈix dyajnigëxëˈëktë tsojkënë pënaty jyantsy pyanëjkxtëbë Jesus ko ja myëguˈuktëjk dyajtëgoyˈattë naybyudëkë.
Nbudëjkëdëpts ja nmëguˈuktëjk ko tijaty yˈayoˈonbëjktaˈaky (jeˈeyë tuk pëky yaˈixy) (3:57)
Jesus ojts tnigajpxy tijaty yajtukˈijxwëˈëmandëp pënaty jantsy panëjkxëdëp.
“¿Ti yajtukˈëxkäjp pënaty jyantsy pyanëjkxtëbë Kristë?” (Diˈib Xytyukˈawäˈänëm, 1 äämbë mayë 2012)