GĨCUNCĨ KĨA 6

Nĩ Atĩa Tũũmba Kwĩritana Gũkũrũkĩĩra Mũguũ Jũmũnene jwa Ĩkondoria?

Mũrungu nathirĩrie antũ babathũku ĩndĩ nonokerie Nuhu na antũ ba njewe. Kiambiriria 7:11, 12, 23

Sabina yerereete, antũ baathũũku bakĩorokagĩra ruujĩne, na araĩka ndemi bagĩtigaga mĩĩrĩ yaao ya nyama

Nĩkwaurire ntukũ 40 mũthenya na ũtũkũ, na rũũjĩ rũrakunĩka nthĩgũrũ yonthe. Antũ bonthe barĩa baarĩ bathũku barakua.

Araĩka barĩa ndemi nĩbatigire mĩĩrĩ yao ya nyama baraa irundu bibithũku.

Nuhu, nja yaawe, na nyomoo baumbagarĩte kĩrĩ sabina na mũkũnga-mbura jũmĩrĩte matune

Barĩa baarĩ ndeene ya sabina nĩboonokerue. Kinya kethĩra Nuhu na antũ ba njewe nĩbakuire nyumene, Mũrungu akabacokia bagĩte mwoyo kaĩrĩ barĩ na wĩrĩgĩĩro bwa gũtũũra kenya na kenya.

Mũrungu akathiria antũ barĩa athũku kaĩrĩ na akoonokia barĩa bega. Mathayo 24:37-39

Shaitani na irundu biawe biithũũku batumagĩra njĩra mwanya mwanya kwaĩĩria antũ

Shaitani na araĩka bathũku no betĩte na mbere kwaĩria antũ.

Antũ babaingĩ narua, nĩbaregaga ũtongeria bwa Jehova bũrĩa bũrĩ na wendo, ota ũrĩa gwakari ntukũne cia Nuhu. Kagita gatĩ kũraja Jehova akathiria antũ bonthe barĩa athũku.—2 Petero 2:5, 6.

Akũũjĩ ba Jehova bagĩtumagĩra Bibiria gũtũmĩrĩria muntũmũrũme; muntũmũrũme akĩthoomaga Bibiria

Antũ bamwe bakari ta Nuhu. Nĩbathikagĩĩra Mũrungu na bakathithia ũrĩa augaga; bo nĩ Akũũjĩ ba Jehova.