Nkuma Ĩnjega Nĩmbi?

1. Kũrĩna nkuma ĩrĩkũ kuuma kĩrĩ Mũrungu?

Mũrungu endaga antũ bagwĩrĩrua ũtũũro nthĩgũrũne. Oombĩre nthĩgũrũ na into bionthe birĩa birĩku tontũ nendete antũ. Kagiita gatĩ kũraaja, akaretera antũ ba mĩgongo yonthe ũtũũro bũbwega. Akathirĩria antũ mantũ jarĩa jaretaga mĩthangĩko.​—Thooma Jeremia 29:⁠11.

Gũtĩ thirikarĩ yoomba kũthiria ndwaa, mĩrimo, kana gĩkuũ. Ĩndĩ kũrĩ na nkuma ĩnjega. Kagiita gatĩ kũraaja, Mũrungu akeberia thirikarĩ cionthe cia antũ, na areete thirikarĩ yaawe wengwa. Barĩa bakaathwa nĩ thirikarĩ ĩu, bakagwĩrĩrua thĩĩrĩ na ũgima bwa mwĩrĩ. ​—Thooma Isaya 25:8; 33:24; Danieli 2:44.

2. Nĩkĩ nkuma ĩnjega ĩrĩ ya bata naarua?

Mĩthangĩko ĩkathira akĩ, rĩrĩa Mũrungu akathiria antũ baathũũku kuuma nthĩgũrũne. (Zefania 2:⁠3) Nĩrĩ ũntũ bũbũ bũgakarĩka? Rũteto rwa Mũrungu nĩrwaroretie mantũ ja ũgwati, jarĩa jakwonekana kĩrĩ antũ nandĩ. Mantũ jau jarĩonania ĩgiita rĩa Mũrungu rĩa kũjũkia ĩtagaaria rĩrĩ akuĩ.​—Thooma 2 Timotheo 3:1-5.

3. Nĩatĩa tũbuĩrĩte kũthithia?

Tũbuĩrĩte kwiritana mantũ ja Mũrungu gũkũrũkĩĩra Rũteto rwawe, Bibiria. Ĩkari ta barũga kuuma kĩrĩ baaba ũrĩ na wendo. Ĩtwĩraga ũrĩa tũũmba kũgĩa ũtũũro bũbwega nandĩ, na ũrĩa tũũmba kũgwĩrĩrua ũtũũro bwa kenya na kenya nthĩgũrũne ĩgiita rĩĩjĩte. Nĩ mma, bamwe batĩgwĩrĩrua kwona ũgĩtetheerua gũciũkĩrwa nĩ Bibiria. Ĩndĩ kaanya ka ũtũũro bũbwega bũrĩa bwĩĩjĩte nĩ ka bata mono ũtĩbwĩrĩte kũgata.​—Thooma Njuno 29:25; Kugwurirwa 14:6, 7.