MŨTŨŨRĨRE JWA GĨKRISTŨ
Ĩrĩgĩĩra Jehova Rĩrĩa Wathangwa
Athangani nobatũme tũkaigua bũbũĩ nkorone. Kinya no bathũũkie ngwatanĩro yeetũ na Jehova tũkeja kũbakĩra rĩrĩa bameneeria ũthathayia bwetũ. Nĩatĩa ũũmba gwikaria kuumania na mũthangani?
Athathayia babaingĩ ba Jehova nĩbombanĩte gũcinda ũthangani na njĩra ya kwĩrĩgĩĩra Jehova. (Zab 18:17) Ngerekano, Esta naarĩrie na aragwũra mĩbango ĩmĩthũũku ya mũthangani ũmũĩ wetagwa Hamani. (Est 7:1-6) Mbere athithia ũu, noonanĩrie nerĩgĩĩrĩte Jehova na njĩra ya gũciata kũrĩa. (Est 4:14-16) Ũntũ bũu nĩ bwatũmĩre Jehova aramũtharima na aramũkaria amwe na antũ baao.
Muntũ ũmwĩthĩ, rĩrĩa wathangwa, romba Jehova agũtethie na waranĩrie na muntũ mũgima ta mũciari waaku. Ĩthĩrwa na ũũma atĩ Jehova agagũthethia o ta ũrĩa aatetherie Esta. Nĩ atĩa ũngĩ ũũmba kũthithia rĩrĩa wathangwa?
TEGA VIDIO ŨTŨURO BWAKWA BWA TINĨNJA—NĨATĨA MPŨMBA KŨTHITHIA RĨRĨA NDATHANGWA? NA RĨU ŨCOOKIE BIŨRIA BIBI BITHINGATĨTE:
Nĩmbi antũ babeethĩ bomba kwiritana kuumania na ngerekano ya Charlie na Ferin?
Nĩmbi aciari bomba kwiritana kuumania na biugo bia Charlie na Ferin bwegie ũrĩa bomba gũtethia aana baao rĩrĩa bathangwa?