MŨTŨŨRĨRE JWA GĨKRISTŨ

Tethia Antũ Barĩa Batĩ ba Ndini Kũmenya Mũũmbi Waao

Ũraigua ũtĩkwenda kwaria na antũ batĩ ba ndini, ũkĩthũgaanagia kwombĩka bakarega gũkũthikĩĩra? Kethĩra nĩu, riikana atĩ babaingĩ ba barĩa batĩ ba ndini, kinya barĩa batĩĩtĩkĩtie Mũrungu, nĩbaete Akũũjĩ ba Jehova. Kaingĩ, bũrĩa baabataraga nĩ gũtetheerua aniini kwona ũrikithia bwa atĩ Mũrungu arĩo.—Ar 1:20; 10:14.

TEGA VIDIO RIIKANA ATĨ—BARĨA BATĨTĨKĨTIE BOMBA KŨGĨA NA WĨTĨKIO!—ANTŨ BATĨ BA NDINI, RĨU ŨCOOKIE KĨŨRIA GĨKĨ KĨTHINGATĨTE:

Nĩatĩa rũgono rwa Tommaso rũgũgũtethia kwĩthĩrwa na mwonere jũmwega jwegie gũtũmĩrĩria antũ barĩa batĩ ba ndini?

Ĩcookio rĩaku

Ũrĩa ũũmba kũthithia ũu

Kethĩra muntũ akauga atĩĩtĩkĩtie Mũrungu, ĩthĩrwa na kĩao, ũũme, na wonanie kamma nũgũkucĩĩrua nĩ maoni jaawe na ũrĩa akwigua nkorone bwegie ũntũ bũu. (2Tim 2:24) Arĩĩrieni mantũ jarĩa jakũmũkucĩĩria. Rĩ, nakwenda bwarĩĩria ũrikithia bũrĩa bũtũmĩte babaingĩ betĩkia atĩ kũrĩna Mũũmbi? Kethĩra nĩu, tumĩra mauku na vidio irĩa ikwarĩĩria ũntũ bũu. Broshua Uhai—Ulitokana na Muumba? na Maswali Matano Muhimu Kuhusu Chanzo cha Uhai, nandĩ nĩciĩkĩri kĩrĩ Kathandũkũ ka Into Bietũ bia Kũritana nĩkenda tũciona na mpwĩ.

Mwambĩrĩrione, no wigue ũgĩkĩra kwarĩĩria ũntũ bũnna na muntũ ũtĩĩtĩkĩtie kũrĩna Mũrungu. Rĩ, to ũrombe mũtũmĩĩria ũrĩna ũtea ũntũne bũu agũtethie? Riikana atĩ, kinya Jehova no atũtethie gũkinyĩra nkoro cia antũ barĩa barĩna mwerekera jũkwagĩra, kinya kethĩra mwambĩrĩrione no bonekane teka batĩĩtĩkĩtie atĩ arĩo.—Math 13:48.

Broshua“Maswali Matano Muhimu Kuhusu—Chanzo cha Uhai.”