Nũũ Nthũũmba Mbĩtĩkua na Ĩnjũme?

Mbere ya gĩkuũ kĩawe, Jesũ nairĩbĩre amwe na aritwa baawe bana—Peterũ, Jakubu, Johana, na Anderea. Rĩrĩa Jesũ aabeeraga rwano rwa kwĩthĩrwa o kwawe ntukũne cia mũthia, naũrĩrie kĩũria gĩkĩrito: “Nandi ri, nthumba iria yagirite [mbĩtĩkua] na injume ni iriku, iria yaetherue ni mwathani wayo inene ya ntuura yawe, ya kwejaga antu ba ntuura iu biakuria igiita riabio riakinya?” (Mathayo 24:3, 45; Mariko 13:3, 4) Jesũ nĩka arikithagĩria aritwa baawe atĩ arĩ “mwathani” waao, arĩngĩĩka barĩa bakathuranagĩra irio bia gĩkĩrundu kĩrĩ athingati baawe ntukũũne cia mũthia. Nĩ baũ barĩngĩ kwĩthĩrwa barĩ nthũũmba ĩu?

Nĩ gakundi kaniini ka athingati ba Jesũ etũrĩrua maguta. “Nthũmba” ĩu nĩ Kĩama kĩrĩa Gĩtongagĩĩria kĩa Akũũjĩ ba Jehova. Ĩritaga biakũrĩa bia gĩkĩrundu ĩgiita rĩrĩa rĩagĩrĩte kĩrĩ athaathayia bangĩ ba Jehova. Twĩrĩgagĩĩra nthũũmba ĩjĩ mbĩtĩkua ĩĩta na mbere gũtwaa ‘biakuria bietu igiita riabio riakinya’—Luka 12:42.

Ĩrũngamagĩĩra into bia nyomba ya Mũrungu. (1 Timotheo 3:15) Jesũ naere nthũũmba ngũgĩ ya bata ya kũrũngamĩĩra gĩcuncĩ kĩa nthĩgũrũ kĩa ũthuranĩri bwa Jehova—kũmenyeera into biawe, gũtongeeria ngũgĩ ya gũtũmĩĩria, na gũtũritana gũkũrũkĩĩra biũthũrano bietũ. Kwou, gũtwaa kĩrĩa tũkũbatara na rĩrĩa tũgũkĩbatara, “nthũmba ĩrĩa yagĩrĩte na ĩnjũme” ĩtwejaga irio bia gĩkĩrundu gũkũrũkĩĩra mauku jarĩa tũtumagĩra ũtungatĩrine, o na kinya gũkũrũkĩĩra programu cia mĩcemanio na igomano.

Nthũũmba ĩu nĩ mbĩtĩkua kĩrĩ mma cia Bibiria na ngũgĩ ya gũtũmĩĩria nkuma ĩnjega, na nĩ ĩnjũme kĩrĩ kũmenyeera na njĩra ya ũmme into bia Kristũ nthĩgũrũne. (Mathithio 10:42) Jehova nagũkucĩĩria antũ babaingĩ kwaa Akũũjĩ baawe, na gũteetheria nthũũmba mbĩtĩkua na ĩnjũme gũtwaa irio bibiingĩ bia gĩkĩrundu.—Isaya 60:22; 65:13.

• Nũũ wathuurĩrwe nĩ Jesũ kũrera aritwa baawe gĩkĩrundu?

• Nĩ na njĩra irĩkũ nthũũmba ĩu ĩrĩ mbĩtĩkua na ĩnjũme?