Ritana na Njĩra Ĩmbũthũ

Ũrĩa Jesũ Aathithĩrie

VIDIO: Jesũ Gũtarĩĩria Ũrĩa Baaba Weetũ Atũmakagĩra

1. Tega VIDIO ĩjĩ, kana ũthoome Mathayo 6:25-27. Rĩu ũcookie biũrĩa bibi bithingatĩte:

1. Nĩatĩa Jesũ aatarĩĩrie ũrĩa Jehova atũmakagĩra?

2. Kinya kethĩra Jesũ naijĩ mantũ jamaingĩ jegie nyoni, nĩ ũntũ bũrĩkũ ainyĩrĩrie nkũrũki? Nĩkĩ njĩra ĩu yarĩ ĩnjega ya kũritana?

Nĩmbi Tũkwiritana Kuumania na Jesũ?

2. Rĩrĩa twaritana na njĩra ĩmbũthũ, antũ bakariikana jarĩa twabaritana na jakabaringithia nkoro.

Igerekanie na Jesũ

3. Menya waria mono. Antũa kwarĩĩria mantũ jonthe jarĩa wijĩ jegie ũntũ bũrĩa bũkwarĩĩria, nĩbwega kwinyĩĩria jarĩa jarĩ iukune rĩrĩa tũgũtumĩra kũritana. Nyuma ya kũũria kĩũria, eteera ĩcookio rĩa mũritwa waaku. Kethĩra atĩkũmenya ĩcookio kana akauga ũntũ bũrĩa Bibiria ĩreganaga nabu, ũũria biũria nkũrũki birĩa bigwĩtanĩria na ũntũ bũrĩa bũkwarĩĩria nĩkenda abũgwata. Agwata ũntũ bũrĩa bũgũciumĩria ũntũne bũu, ĩteni na mbere.

4. Tumĩra mantũ jarĩa mũritwa akũmenya kũmũritana mantũ jamerũ. Ngerekano, mbere ya kwambĩrĩria rwaria rwegie kũriũkua, no ũcookere na njĩra ĩnkuĩ jarĩa bwiritanĩte jegie barĩa bakuĩte.

5. Tumĩra ngerekano bwega. Mbere ya gũtumĩra ngerekano, ciũrie:

1. ‘Ngerekano ĩjĩ nĩ ĩmbũthũ?’

2. ‘Rĩ, mũritwa wakwa agaciukĩrwa nĩyo?’

3. ‘Ĩkamũtethia kũriikana ũntũ bũrĩa bũgũciumĩria—kana nĩ ngerekano akĩ akariikana?’