Kwigua Ũrĩa Antũ Bangĩ Bakwigua

Ũrĩa Jesũ Aathithĩrie

VIDIO: Jesũ Kwigĩĩrua Kĩrĩndĩ Kĩao

1. Tega VIDIO ĩjĩ, kana ũthoome Mariko 6:30-34. Rĩu ũcookie biũria bibi bithingatĩte:

1. Nĩmbi biatũmĩre Jesũ na atũmwa benda kwĩthĩrwa ‘barĩ bonka’?

2. Nĩmbi biatũmĩre Jesũ enda kũritana kĩrĩndĩ?

Nĩmbi Tũkwiritana Kuumania na Jesũ?

2. Kinya kethĩrwa nĩtwendaga kwĩra antũ nkuma ĩnjega, kũthũgaanĩria ũrĩa antũ bangĩ bakwigua nĩgũtũmaga tũbamakĩra.

Igerekanie na Jesũ

3. Thikĩĩra bwega. Aa muntũ kaanya ga gũtarĩĩria ũrĩa akwigua. Ũkagiita muntũ na mpwĩ rĩrĩa agũtarĩĩria ũrĩa akwigua, mantũ jarĩa jakũmũcumbũra, kana rĩrĩa akũregana nagwe. Rĩrĩa wamũthikĩĩra bwega, ũkamwonia nũkũmakĩra mantũ jarĩa akũthũgaania.

4. Thũgaanĩria muntũ ũrĩa ũrĩ na wendi. Kũringana na mantũ jarĩa bwarĩĩria amwe nawe, ciũrie:

1. ‘Nĩkĩ akũbatara kũmenya ũmma bũbũ?’

2. ‘Nĩatĩa kwiritana Bibiria kũũmba gũtũma ũtũũro bwawe bwa-o-ntukũ na bwa ĩgiita rĩĩjĩte bwagĩra?’

5. Arĩĩria mantũ jarĩa jakamũtethia. Wacookera muntũ o-rĩo, tarĩĩria ũrĩa kwiritana Bĩbiria kũũmba kũmũtethia gũcookia biũria birĩa oomba kwĩthĩrwa arĩ nabio na kinya ũrĩa oomba gũtetheeka na njĩra ingĩ mwanya-mwanya.