GĨCUNCĨ KĨA 14

Ũũmba Kwonania Atĩa Ũrĩ Ũmwĩtĩkua Kĩrĩ Jehova?

Rũngama rũtere rwa Mũrungu. 1 Petero 5:6-9

Mũkristũ akĩregaga gwitonyithania na mantũ ja ndini cia ũrongo kana ja gĩsiasa

Tiga gwĩtonyithania na mawĩthĩre jonthe jarĩa jatĩgwatanagĩra na Bibiria. Nĩkwendaga ũũmĩrĩrĩa kũthithia ũu.

Ũgaitonyithania na mantũ ja gĩsiasa ja nthĩgũrũ. Nĩ tontũ jatigwataga Jehova mbaru na Ũnene bwawe.

Ithuurĩre bũrĩa bwega—thikĩĩra Mũrungu. Mathayo 7:24, 25

Muntũ mũrũme etĩĩte mũcemanione Nyomba ya Ũnene, na akiiritanaga Bibiria na Mũkũũjĩ wa Jehova

Gwatanĩra na Akũũjĩ ba Jehova; bagagũtethia gũkuĩĩria Mũrungu.

Ĩta na mbere kwiritana mantũ ja Mũrungu na ũgerie kwathĩkĩra mawatho jawe.

Muntũ mũrũme akiiritaga kĩrĩ Jehova gũkũrũkĩĩra maromba, na nyumene akĩbatithagua

Rĩrĩa wĩtĩkio bwaku bũkagita inya, ũkaejana ũtũũro bwaku kĩrĩ Jehova na ũbatithue.—Mathayo 28:19.

Thikĩĩra Mũrungu. Thoma Bibiria, na ũrombe Akũũjĩ ba Jehova bagũtethie gũciũkĩrwa nĩyo. Na ũthithie jarĩa ũkwiritana. Wathithia ũu ũgatũũra kenya na kenya.—Zaburi 37:29.