KĨTHOOMO KĨA 45
Ũrĩa Tũũmba Kwonania Tũtĩkũgwata Mbaru Rũteere Kinya rũrĩkũ
Jesũ aaritanĩre atĩ athingati baawe batĩbuĩrĩte kwĩthĩrwa “bari ba nthiguru.” (Johana 15:19) Bũu nĩ amwe na kũrega kũgwata mbaru rũteere kinya rũrĩkũ—nĩ kuuga kũrega kũgwata mbaru mantũ ja gĩciaca na ndwa cia nthĩgũrũ. Ũmma bwa mantũ nĩ atĩ, kũrega kũgwata mbaru rũteere kinya rũrĩkũ tĩ ũntũ bũbũũthũ. Antũ bomba gũtũmeneeria tontũ bwa bũu. Nĩatĩa tũũmba gũkara tũtĩkũgwata mbaru rũteere kinya rũrĩkũ na tũrĩ etĩkua kĩrĩ Jehova Mũrungu?
1. Nĩatĩa Akristũ ba mma bonaga thirikarĩ cia antũ?
Akristũ nĩbatĩĩaga thirikarĩ. Nĩtũthithagia o ta ũrĩa Jesũ augĩre na ‘tukanenkera Kaisari into bia Kaisari’—ũu nĩ kuuga, nĩtwathĩkagĩra mawaatho ja nthĩgũrũ ta jarĩa jatũbataraga tũgiita ũgoti. (Mariko 12:17) Bibiria ĩritanaga atĩ thirikarĩ cia antũ ciathanaga tontũ Jehova naciĩtĩkĩrĩĩtie ciathana. (Aroma 13:1) Kwou, nĩtũgũciũkĩrwa atĩ wathani bwa thirikarĩ cia antũ bũtĩ ũũmbi bũbũnene na bũrĩ mĩanka. Ũrĩa twĩrĩgagĩĩra athiria mathĩĩna ja antũ nĩ Mũrungu weetũ na ũnene bwawe bwa ĩgũrũ.
2. Nĩatĩa tũũmba kwonania atĩ tũtĩkũgwata mbaru rũteere kinya rũrĩkũ?
O ta Jesũ, tũtiitonyithanagia na ciaca. Rĩrĩa antũ boonere kĩama kĩmwe kĩrĩa Jesũ aaringĩre, nĩbaagererie kũmwethia mũnene waao aja nthĩgũrũne, ĩndĩ aatetĩkĩrĩrie bathithia ũu. (Johana 6:15) Nĩkĩ gĩtũmi? Tontũ, o ta ũrĩa augĩre nyumene, “Unene bwakwa ti bwa nthiguru iji.” (Johana 18:36) Tũrĩ aritwa ba Jesũ, nĩtwonanagia tũtĩkũgwata mbaru rũteere kinya rũrĩkũ na njĩra mwanya mwanya. Ngerekano, tũtĩĩtaga ndwene. (Thooma Mika 4:3.) Nĩtũtĩĩaga ndwano cia nthĩgũrũ—ta bendera—ĩndĩ tũtithathaayia. (1 Johana 5:21) Na tũtĩgwataga mbaru kana tũmeneeria kĩama, kana muntũ kinya ũrĩkũ wa gĩciaca. Gũkũrũkĩĩra njĩra iu na ingĩ inyingĩ, nĩtwonanagia atĩ nĩtũkũgwata mbaru na nkoro yonthe thirikarĩ ya Mũrungu—tayo Ũnene bwawe.
ĨNJA NKŨRŨKI
Cũnkũũna mantũ jarĩa jomba gũtũma bwĩthĩrwa bũrĩ bũbũũmũ kũrega kũgwata mbaru rũteere kinya rũrĩkũ, na wone ũrĩa ũũmba gũtua matua jarĩa jakagwĩria Jehova.
3. Akristũ ba mma batĩgwataga mbaru rũteere kinya rũrĩkũ
Jesũ na athingati baawe nĩbaatwĩkĩĩre ngerekano ya kũthingata. Thooma Aroma 13:1, 5-7 na 1 Petero 2:13, 14. Rĩu, ũtege VIDIO na bwarĩĩrie bĩũria bibi kĩthingatĩte.
Nĩkĩ tũbuĩrĩte gũtĩĩa thirikarĩ cia antũ?
Nĩ na njĩra irĩkũ imwe twonanagia atĩ nĩtũgũciathĩkĩra?
Ĩgiita rĩa ndwa, mĩgongo ĩmwe nĩ yugaga ĩtĩkũgwata mbaru rũteere kinya rũrĩkũ, ĩndĩ nĩtethagia ntere cionthe irĩa ikũrwa. Ĩndĩ kamma, nĩ kuuga atĩa kũrega kũgwata mbaru rũteere kinya rũrĩkũ? Thooma Johana 17:16. Rĩu, ũtege VIDIO na bwarĩĩrie kĩũria gĩkĩ kĩthingatĩte.
Nĩ kuuga atĩa kũrega kũgwata mbaru rũteere kinya rũrĩkũ?
A thirikarĩ cia antũ ikeja kwenda tũthithie ũntũ bũrĩ giutatĩ na waatho bwa Mũrungu? Thooma Mathithio 5:28, 29. Rĩu, ũtege VIDIO na bwarĩĩrie biũria birĩa bithingatĩte.
Waatho bwa antũ rĩrĩa bweta giutatĩ na waatho bwa Mũrungu nĩ waatho bwaũ tũbuĩrĩte kwathĩkĩra?
Ũrĩthũgaania nĩ mantũne ta jarĩkũ Akristũ bomba kũrega kwathĩkĩra thirikarĩ cia antũ?
4. Onania ũtĩkũgwata mbaru rũteere kinya rũrĩkũ gũkũrũkĩĩra mathũgaanio na mathithio jaaku
Thooma 1 Johana 5:21. Rĩu, ũtege VIDIO na bwarĩĩrie biũria bibi bithingatĩte.
Kĩrĩ vidio, nĩkĩ Ayenge athuurĩre atĩgwata mbaru kĩama kĩa gĩciaca, kana akũngũĩra biatho bia kĩnthĩgũrũ, ta kũringĩra bendera saluti?
Ũrĩthũgaania natuĩre na njĩra ya ũũme?
Nĩ mantũ jarĩkũ joomba gũtũma bwĩthĩrwa bũrĩ bũbũũmũ kũrega kũgwata mbaru rũteere kinya rũrĩkũ? Tega VIDIO, rĩu bwarĩĩrie biũria birĩa bithingatĩte.
Nĩatĩa tũũmba kũrega kũgwata mbaru rũteere kinya rũrĩkũ ũntũne bwegie mĩcetho ya kĩmanthĩgũrũ?
Nĩatĩa tũũmba gũkara tũtĩkũgwata mbaru rũteere kinya rũrĩkũ kinya kethĩra matua ja anaciaca nĩjagũtũguna kana jatĩgũtũguna?
Nĩatĩa nyomba cia nteto na antũ barĩa tũkũgwatanĩra nabo boomba gũtũma tũkarekeeria mũrũngamo jwetũ jwa kũrega kũgwata mbaru rũteere kinya rũrĩkũ?
Nĩ mantũne ta jarĩkũ Mũkristũ abuĩrĩte gũkara atĩkũgwata mbaru rũteere kinya rũrĩkũ kĩrĩ mathũgaanio na mathithio jaawe?
MUNTŨ NO AŨRIE: “Nĩkĩ bũtĩkũringĩra bendera saluti kana bwina rwĩmbo rwa gũkumia nthĩgũrũ?”
Ũũmba gũcookia atĩa?
NA NJĨRA ĨNKUĨ
Akristũ nĩbaciũmagia mono batĩkagwate mbaru rũteere kinya rũrĩkũ rwa gĩciaca gũkũrũkĩĩra mathũgaanio, biugo, na mathithio jaao.
Gũcookera
Tũbuĩrĩte kwĩthĩrwa na maoni jarĩkũ kwerekera thirikarĩ cia antũ?
Nĩkĩ tũtĩgwataga mbaru rũteere kinya rũrĩkũ rwa gĩciaca?
Nĩ mantũ jarĩkũ jomba gũtũma bwĩthĩrwa bũrĩ bũbũũmũ kũrega kũgwata mbaru rũteere kinya rũrĩkũ?
CŨNKŨŨNA
Nĩ mantũ jarĩkũ tũũmba gũtiga nĩkenda tũkara tũtĩkũgwata mbaru rũteere kinya rũrĩkũ?
Nĩatĩa antũ ndene ya nja bomba kwithuranĩra o mbere nĩ ũntũ bwa mantũ jarĩa joomba kũbageria batiganĩria mũrũngamo jwao jwa kũrega kũgwata mbaru rũteere kinya rũrĩkũ?
Menya Ũgwata Mbaru Rũteere kinya Rũrĩku Biathone bia Mwingĩ (4:25)
Nĩkĩ gũtetera nthĩgũrũ tĩkĩo gĩtĩĩo kĩrĩa kĩnene muntũ omba kwewa?
Ona ũrĩa ũũmba gũkara ũtĩ gĩcuncĩ kĩa nthĩgũrũ rĩrĩa ũgũtua matua jegie ngũgĩ ĩrĩa ũkarita.
“O Muntũ Agakamata Mũrigo Jwawe Wengwa” (Mnara wa Mlinzi, Machi 15, 2006)