KĨTHOOMO KĨA 01
Nĩatĩa Bibiria Yũũmba Gũgũtethia?
Twinthe nĩ twendete kũmenya biũria biegie ũtũũro, mĩthangĩko, gĩkuũ, na kinya mantũ ja kagiita kejĩte. Kinya nĩ tũmakagĩra mantũ ja o-ntukũ-o-ntukũ ta ngũgĩ, na kwĩthĩrwa na nja ĩrĩna kũgwĩrua. Antũ babaingĩ nĩ boonete Bibiria ĩtĩbatethagia akĩ gũcookia biũria birĩa bibacumbũraga ũtũũrone, ĩndĩ nĩbaejaga kinya kĩrĩra kĩa gũtumĩra mũtũrĩrene. Rĩ, kũrĩ muntũ wijiĩ ũũmba gũtethua nĩ Bibiria?
1. Nĩ ta biũria birĩkũ Bibiria ĩcookagia?
Bibiria nĩ ĩcookagia biũria bibi bia bata: Nĩatĩa ũtũũro bwambĩrĩĩrie? Nĩkĩ twombĩrwe? Nĩkĩ antũ babeega bathangĩkaga? Nĩatĩa gũkarĩkaga muntũ akua? Kethĩra antũ bonthe nĩ bakwenda thĩĩrĩ, nĩkĩ kũrĩ na ndwa? Nĩmbi bigakarĩka nthĩgũrũne ĩgiita rĩĩjĩte? Bibiria nĩtwĩkagĩra inya gũcwaa macookio ja biũria ta biu na antũ babaingĩ nĩ boonete macookio ja kũbaguna.
2. Nĩatĩa Bibiria yũũmba gũtũtethia tũgwĩrĩrua ũtũũro?
Bibiria nĩtwejaga ũtaaro bũbwega. Ngerekano, nĩ ĩritanaga ũrĩa nja ciũmba kwĩthĩrwa na kũgwĩrua. Nĩtwejaga kĩrĩra kĩa gũtũtetheeria kũrwa na mantũ jarĩa jagũtwinyĩĩria na kũgwĩrĩrua ngũgĩ cietũ. O ũrĩa tũkwiritana iuku rĩrĩ, tũkamenya jarĩa Bibiria ĩritanaga jegie mantũ jaja na jangĩ jamaingĩ. Womba kwĩja kwona atĩ “o ruteto [runthe rũrĩa rũrĩ Bibiriene] ruri . . . kiguni.”—2 Timotheo 3:16.
Iuku rĩrĩ rĩtĩkũjũkia kaanya ka Bibiria. Ĩndĩ nĩ rĩa gũgũtetheeria ũcũnkũũna Bibiria gwe wengwa. Kwou nĩtũgũgwĩkĩra nkoro ũthoome Maandĩko jarĩa joonanĩtue ithoomone bibi na ũringithanie na jarĩa ũkwiritana.
ĨNJA NKŨRŨKI
Iritane ũrĩa Bibiria yũũmbĩte gũtethia antũ, ũrĩa ũũmba kũgwĩrĩrua kũmĩthooma, na nĩkĩ bũrĩ ũntũ bũbwega gũcwaa ũtethio nĩkenda ũciũkĩrwa nĩyo.
3. Bibiria yoomba gũtũtongeeria
Bibiria nĩta werũ bũbwingĩ. No tũtumĩre Bibiria gũtua matua jameega na gũtũtetheeria kũmenya mantũ ja kagiita kejĩte.
Thooma Zaburi 119:105, rĩu bwarĩĩrie biũria bibi:
Mwandĩki wa Zaburi ĩjĩ oonaga Bibiria atĩa?
Nĩatĩa gwe wonaga Bibiria?
4. Bibiria yoomba gũcookia biũria bietũ
Mwekũrũ ũmwe noonere Bibiriene macookio ja biũria birĩa biatwĩre bimũcumbũraga mĩaka ĩmiingĩ. Tega VIDIO, na bwarĩĩrie biũria birĩa bithingatĩte.
Kĩrĩ vidio mwekũrũ ũu aarĩ na biũria birĩkũ?
Kwiritana Bibiria kwamũtethererie atĩa?
Bibiria nĩtwĩkagĩra inya tũũrie biũria. Thooma Mathayo 7:7, na bwarĩĩrie kĩũria gĩkĩ:
Nĩ biũria birĩkũ ũrĩ nabio, Bibiria yũũmba gũcookia?
5. No ũgwĩrĩrue kuthooma Bibiria
Antũ babaingĩ nĩbagwĩragĩrua kũthooma Bibiria na bakagunĩka kuumania nayo. Tega VIDIO, rĩu bwarĩĩrie biũria bibi.
Kĩrĩ vidio, antũ babeethĩ baigagua atĩa bwegie kũthooma?
Kinya kethĩra batĩendeete kũthooma, nĩkĩ nandĩ bagwĩragĩrua kũthooma Bibiria?
Bibiria yugaga, no ĩtwee mooritani jarĩa joomba gũtũboreria na gũtwaa kinya wĩrĩgĩĩro. Thooma Aroma 15:4, rĩu bwarĩĩrie kĩũria gĩkĩ:
Rĩ, nũkũgwĩrĩrua wĩrane bwa Bibiria bũrĩa bũtwejaga kũborerua na wĩrĩgĩĩro?
6. Bangĩ no batũtetheerie gũciũkĩrwa nĩ Bibiria
O amwe na kwithoomera Bibiria, babaingĩ nĩboonete kwarĩĩria Bibiria na bangĩ nĩ gũtethagia. Thooma Mathithio 8:26-31, rĩu bwarĩĩrie kĩũria gĩkĩ:
Nĩatĩa tũũmba gũciũkĩrwa nĩ Bibiria?—Tega mũstaarĩ jwa 30 na 31.
Muntũ mũrũme Mwethiopia naabataraga ũtethio nĩkenda aciũkĩrwa nĩ Bibiria. Naarua antũ babaingĩ nĩbagunĩkaga rĩrĩa baarĩĩria Bibiria amwe na bangĩ
ANTŨ BAMWE BAUGAGA: “Kwiritana Bibiria nĩ gũta kaanya.”
Ũũmba kuuga atĩa? Na nĩkĩ?
NA NJĨRA ĨNKUĨ
Bibiria nĩejanaga kĩrĩra kĩa mũtũũrĩre, ĩgacookia biũria bia bata na ĩkaa antũ wĩrĩgĩĩro na kũbaboreeria.
Gũcookera
Nĩ kĩrĩra kĩrĩkũ twonaga kuumania na Bibiria?
Nĩ biũria ta birĩkũ Bibiria ĩcookagia?
Nĩmbi wenda kwiritana Bibiriene?
CŨNKŨŨNA
Iritane ũrĩa ũũmba gũtumĩra ũtaaro bwa Bibiria naarua.
“Mooritani ja Bibiria—Ũũme Bũtĩkũrũkagwa nĩ Ĩgiita” (Mnara wa Mlinzi Na. 1 2018)
Ona ũrĩa Bibiria yaatetheererie muntũ mũrũme ũmwe kũrwa na mantũ jarĩa jamũcuumbũraga kuuma waaneene bwawe.
Cũnkũũna kĩrĩra kĩa Bibiria kĩegie mũtũũrĩre jwa nja.
Iritane ũrĩa Bibiria yugaga nũũ wathaga nthĩgũrũ, mwanya na ũrĩa antũ bamwe betĩkĩĩtie.