Salamo

123 Matagu na roha isimu oiemu ai,

guba ai emu terono ai o helaimu Diravana e!

 2 Hesiai taudia matadia ese

biagudia imana e raraia taomu

eiava hesiai kekenina matana ese

biaguna hahinena imana e raraia taomu na heto,

ita matada ese Iehova, eda Dirava, unu ta raraia tao tomamu,

ela bona ia ese baine bogada hisi.

 3 A bogamai hisi, Iehova e, a bogamai hisi,

badina be taunimanima ese vada e kirikirilaimai ai vada a hesiku.

 4 Nega daudau herea taḡa taudia edia heihi-ihirai bona heaḡi taudia

edia hekirikirilai ese

lalomai vada e hahonu.