Salamo

143 Iehova e, egu ḡuriḡuri a kamonaia,

egu noinoi a hakala henia.

Emu heabidadama ai bona emu kara maoromaoro ai

ba haere henigu.

 2 Emu hesiai tauna basio hahemaoro henia,

badina be harihari e maurimu tauna ta asi ena maoromaoro oi vairamu ai.

 3 Badina be inai tauna vada e havagu,

egu mauri na tano ai vada e taoa tao,

dibura gabuna ai vada e atogu,

idau nega masedia na heheto.

 4 Taunabunai laumagu na e mase rea Ialogu ai,

bona kudougu na eme hetaha tau-anigu ai.

 5 Sene negana na laloamu,

emu kara iboudiai na haerodiamu,

imamu karakaradia na haerodiamu.

 6 Imagu na dudui isimu emu ai,

laumagu e ranu mase henimumu, tano kaukauna na heto. (Selah)

 7 Iehova e, a haere henigu haraḡa;

laumagu na e manokamu.

Vairamu na egu ai basio hunia,

mase gurina ai e dihomu taudia heḡereḡeredia ai bainala na garina.

 8 Daba ai emu hebogahisi sivaraina baina kamonai,

badina be na abidadama henimumu;

egu lao dalana ba hadibagu,

badina be laumagu na emu ai na abia isimu.

 9 Iehova e, inaigu edia amo ba hamaurigu;

oiemu ai vada na roho mauri.

10 Emu ura ikarana ba hadibagu,

badina be oi na egu Dirava.

Emu lauma namona ese baine hakaugu,

dala heinina ai.

11 Iehova e, oi ladamu dainai egu mauri ba rauaia,

emu kara maoromaoro ai hisihisi amo ba hakaugu lasi.

12 Emu hebogahisi ai lau inaigu na ba negedia daure,

e tuari henigumu taudia iboudiai na ba habuadia tari,

badina be lau na emu hesiai tauna.