Salamo

1 Taunimanima binai vada e namo:

ia na kara dika taudia edia henega sela,

kara kerere-kerere taudia edia dala ai se gini,

hevaseha taudia edia helai gabudia ai se helai;

 2 A Iehova ena taravatu ia ese e moalelaiamu,

ena taravatu e laloa boimu, e laloa ranimu.

 3 Ia na sinavai isena ai e hadoa auna na heto:

ena huahua negana ai ia anina do baine dobi,

ia rauna danu do basine marai,

ḡau idoidiai ia baine kara be anidia do bae vara ḡoevaḡoeva.

 4 Kara dika taudia na dia unuheto:

idia na uit momodia na heheto,

lai ese e oda ohomu.

 5 Taunabunai kara dika taudia na

hahemaoro negana ai do basie gini,

kara kerere-kerere taudia danu

kara maoromaoro hebouna ai do basie gini.

 6 Badina be Iehova na kara maoromaoro taudia

edia dala dibana;

A kara dika taudia,

edia dala do baine doko.